(www.kl14onlinenews.com)
(23-Mar-2025)
ഷിബില കൊലക്കേസ്; പരാതി കൈകാര്യം ചെയ്യുന്നതില്‍ വീഴ്ച് സംഭവിച്ചു; ഗ്രേഡ് എസ്‌ഐയ്ക്ക് സസ്‌പെന്‍ഷന്‍
കോഴിക്കോട്: ഈങ്ങാപുഴയില്‍ ഷിബിലയെ ഭര്‍ത്താവ് യാസിര്‍ വെട്ടിക്കൊലപ്പെടുത്തിയ സംഭവത്തില്‍ താമരശ്ശേരി പൊലീസ് സ്റ്റേഷനിലെ ഗ്രേഡ് എസ്‌ഐയ്ക്ക് സസ്‌പെന്‍ഷന്‍. ഗ്രേഡ് എസ്‌ഐ നൗഷാദിനെ അന്വേഷണ വിധേയമായാണ് സസ്‌പെന്‍ഡ് ചെയ്തത്. യാസിറിനെതിരെ ഷിബില നല്‍കിയ പരാതി കൈകാര്യം ചെയ്യുന്നതില്‍ സ്റ്റേഷനിലെ പിആര്‍ഒ ചുമതലയുണ്ടായിരുന്ന ഗ്രേഡ് എസ്‌ഐക്ക് വീഴ്ച പറ്റിയെന്നാണ് കണ്ടെത്തല്‍. റൂറല്‍ എസ്പി താമരശ്ശേരി സ്റ്റേഷനില്‍ നേരിട്ട് എത്തിയാണ് നടപടി സ്വീകരിച്ചത്.
അതെസമയം പരാതി കൈകാര്യം ചെയ്യുന്നതില്‍ പൊലീസിന് നിഷ്‌ക്രിയത്വം ഉണ്ടായെന്ന പരാതിയില്‍ മനുഷ്യാവകാശ കമ്മീഷനും കേസെടുത്തിട്ടുണ്ട്. കോഴിക്കോട് റൂറല്‍ എസ്പി 15 ദിവസത്തിനകം അന്വേഷണം നടത്തി റിപ്പോര്‍ട്ട് സമര്‍പ്പിക്കണമെന്നും മനുഷ്യാവകാശ കമ്മീഷന്‍ ആവശ്യപ്പെട്ടു. ഏപ്രില്‍ 29 ന് കോഴിക്കോട് ഗസ്റ്റ് ഹൗസില്‍ നടക്കുന്ന സിറ്റിംഗില്‍ കേസ് പരിഗണിക്കും.
إرسال تعليق