(www.kl14onlinenews.com)
(13-jan-2025)
തൃശൂർ: പീച്ചി ഡാം റിസര്വോയറിന്റെ തെക്കേക്കുളം ഭാഗത്തു വീണ നാല് വിദ്യാര്ഥിനികളില് ഒരാള് മരിച്ചു.രണ്ട് പേരുടെ നില ഗുരുതരമായി തുടരുന്നു. തൃശൂർ പട്ടിക്കാട് സ്വദേശി ഷാജന്റെയും സിജിയുടെയും മകൾ അലീന ഷാജനാണ് (14) മരിച്ചത്.തൃശ്ശൂര് സെയ്ന്റ് ക്ലേയേഴ്സ് ഗേള്സ് ഹയര് സെക്കന്ഡറി സ്കൂളിലെ പ്ലസ് വണ് വിദ്യാര്ഥിനിയാണ് അലീന. തൃശ്ശൂര് ജൂബിലി മിഷന് മെഡിക്കല് കോളേജ് ആശുപത്രിയില് വെന്റിലേറ്ററിലായിരുന്നു. പുലര്ച്ചെ 12.30-ഓടെ മരണം സ്ഥിരീകരിച്ചതായി ആശുപത്രി അധികൃതർ വ്യക്തമാക്കി.അപകടത്തിൽ പെട്ട മറ്റ് മൂന്നുപേരും ചികിൽസയിൽ തുടരുകയാണ്. ആൻ ഗ്രേയ്സ് (15), എറിൻ (16), നിമ (11) എന്നിവരാണ് ചികിത്സയിലുള്ളത്.നിമയുടെ സഹോദരി ഹിമയുടെ സുഹൃത്തുക്കളാണ് അപകടത്തിൽപെട്ട മറ്റ് മൂന്നുപേർ
ഞായറാഴ്ച വൈകീട്ട് മൂന്നോടെയാണ് സംഭവം. പള്ളിപ്പെരുന്നാള് ആഘോഷത്തിന് ഹിമയുടെ വീട്ടില് എത്തിയ ഇവര് റിസര്വോയര് കാണാന് പോയതായിരുന്നു. ചെരിഞ്ഞുനില്ക്കുന്ന പാറയില് കാല്വഴുതി ആദ്യം രണ്ടുപേര് വീണു. ഇവരെ രക്ഷിക്കാനുള്ള ശ്രമത്തിനിടെ മറ്റു രണ്ടുപേരും വീണു. കരയിലുണ്ടായിരുന്ന ഹിമയുടെ നിലവിളി കേട്ട് ഓടിയെത്തിയ നാട്ടുകാരാണ് നാലുപേരെയും പുറത്തെടുത്ത് . ഇവർ ഇറങ്ങിയ ഭാഗത്ത് കയമുണ്ടായിരുന്നു. അതിൽ അകപ്പെട്ടതാണ് അപകടത്തിന് കാരണമായതെന്ന് പ്രദേശവാസികൾ പറഞ്ഞു.
Post a Comment