(www.kl14onlinenews.com)
(25-Dec-2024)
കൈക്കൂലി ആരോപണം; മരിച്ച നവീൻ ബാബുവിന് വിജിലൻസിൻ്റെ ക്ലീൻ ചിറ്റ്, കൈക്കൂലിയിൽ തെളിവില്ല
തിരുവനന്തപുരം: ഏറെ വിവാദങ്ങൾക്കു ശേഷം കണ്ണൂര് മുൻ എഡിഎം നവീന് ബാബുവിന്റെ ആത്മഹത്യയുമായി ബന്ധപ്പെട്ട കേസില് വിജിലന്സിന്റെ പ്രാഥമിക അന്വേഷണ റിപ്പോര്ട്ട് പുറത്ത്. നവീന് ബാബുവിന് ടി വി പ്രശാന്ത് കൈക്കൂലി നല്കിയതിന് തെളിവില്ലെന്ന് വിജിലന്സ് റിപ്പോര്ട്ടില് പറയുന്നു.
കോഴിക്കോട് വിജിലന്സ് സ്പെഷ്യല് സെല് എസ് പിയാണ് ഈ അന്വേഷണം നടത്തിയത്. എഡിഎം നവീന് ബാബുവിന് കൈക്കൂലി കൊടുത്തുവെന്ന പ്രശാന്തിന്റെ മൊഴിക്കപ്പുറം തെളിവില്ലെന്നാണ് വിജിലന്സ് കണ്ടെത്തിയിരിക്കുന്നത്. തെളിവ് ഹാജരാക്കാനും പ്രശാന്തിന് കഴിഞ്ഞില്ലെന്ന് വിജിലന്സ് റിപ്പോര്ട്ടില് പറയുന്നു. എന്നാല് പ്രശാന്തിന്റെ ചില മൊഴികള് സാധൂകരിക്കുന്ന തെളിവുകളും ദൃശ്യങ്ങളുമുണ്ടെന്നും റിപ്പോര്ട്ടിലുണ്ട്. സ്വര്ണം പണയം വെച്ചത് മുതല് എഡിഎമ്മിന്റെ ക്വാര്ട്ടേഴ്സിലേക്ക് എത്തുന്നത് വരെയുള്ള മൊഴികളില് തെളിവുകളുണ്ട്. എന്നാല് ക്വാര്ട്ടേഴ്സിന് സമീപം എത്തിയശേഷം എന്ത് സംഭവിച്ചു എന്നതിന് ഒരു തെളിവുമില്ല.
ഒക്ടോബര് അഞ്ചിന് സ്വര്ണം പണയം വെച്ചതിന്റെ രസീത് പ്രശാന്ത് കൈമാറി. ഒക്ടോബര് ആറിന് പ്രശാന്തും നവീന് ബാബുവും നാല് തവണ ഫോണില് സംസാരിച്ചു. ഈ വിളികള്ക്കൊടുവിലാണ് പ്രശാന്ത് നവീന് ബാബു കൂടിക്കാഴ്ച നടക്കുന്നത് എന്നാണ് റിപ്പോർട്ട് ഭാഷ്യം.,
Post a Comment