(www.kl14onlinenews.com)
(27-Dec-2024)
കവർച്ച സംഘത്തലവൻ പോലീസ് പിടിയിൽ
ഉപ്പളയിൽ റോഡരികിൽ സെക്യൂർ വാല്യൂ കമ്പനിയുടെ എ ടി എം ഇൽ പണം നിറക്കാൻ കൊണ്ട് വന്ന വാഹനം തകർത്ത് 50 ലക്ഷം രൂപ കവർന്ന സംഘത്തിലെ പ്രധാനി പിടിയിൽ . തമിഴ്നാട്ടിലെ റാംജിനഗറിലെ കുപ്രസിദ്ധ തിരുട്ടുഗ്രാമത്തിൽ നിന്നും കാർവർണൻ(28) നെയാണ് മഞ്ചേശ്വരം പോലീസ് അതിസാഹസികമായി പിടികൂടിയത് . കഴിഞ്ഞ മാർച്ച് മാസത്തിലുയർന്നു മൂന്നംഗ സംഘം ഉപ്പളയിൽ ഇത്തരത്തിൽ കവർച്ച നടത്തിയത് . സി സി ടി വി ദൃശ്യങ്ങൾ പരിശോധിച്ചുള്ള അന്വേഷണത്തിലാണ് പ്രതികളെ കുറിച്ച് പോലീസിന് വിവരം ലഭിച്ചത് . കവർച്ച സംഘത്തിലെ ഒരു പ്രതിയായ മുത്തുകുമാറിനെ മഞ്ചേശ്വരം പോലീസ് പിടികൂടിയതറിഞ്ഞ് മാസങ്ങളായി മാറ്റ് രണ്ടു പ്രതികളും വിവിധ സംസ്ഥാനങ്ങളിലായി ഒളിവിൽകഴിയുകയായിരുന്നു . ഇടക്കിടക്ക് പ്രതികൾ അവരുടെ തിരുട്ട് ഗ്രാമത്തിൽ വന്നു പോകുന്നുവെന്ന് അന്വേഷണത്തിൽ മനസിലായ പോലീസ് കുറച്ച ദിവസങ്ങളായി ഗ്രാമത്തിൽ താമസിച്ച് നിരിക്ഷിച്ച് വരികയായിരുന്നു . കേസിലെ പ്രധാന തലവനായ കാർവർണൻ പോലീസിനെ കണ്ട് ഓടി രക്ഷപെടാൻ ശ്രമിച്ചുവെങ്കിലും പോലീസ് അതിസാഹസികമായി ബലപ്രയോഗത്തിലൂടെ കീഴടക്കുകയായിരുന്നു . കേസിലെ മൂന്നാം പ്രതിയെക്കുറിച്ച് വ്യക്തമായ സൂചന പോലീസിന് ലഭിച്ചു കഴിഞ്ഞു .
ജില്ലാ പോലീസ് മേധാവി ശ്രീമതി ശില്പ ഡി ഐ പി എസ് ന്റെ നിർദ്ദേശ പ്രകാരം കാസറഗോഡ് ഡി വൈ എസ് പി സുനിൽ കുമാർ സി കെ യുടെ മേൽനോട്ടത്തിൽ മഞ്ചേശ്വരം ഇൻസ്പെക്ടർ അനൂബ് കുമാർ ഇ , സബ് ഇൻസ്പെക്ടർ രതീഷ് ഗോപി, എ എസ് ഐ ദിനേഷ് രാജൻ , SCPO ഷുക്കൂർ, സിപിഒ ഗിരീഷ് പി കെ , എന്നിവരടങ്ങുന്ന സംഘമാണ് പ്രതിയെ പിടികൂടിയത് .
Post a Comment