വയനാടിന് സഹായഹസ്തവുമായി കേരളത്തിന്റെ പാക്കിസ്ഥാനി മരുമകൻ

(www.kl14onlinenews.com)

(06-August -2024)

വയനാടിന് സഹായഹസ്തവുമായി കേരളത്തിന്റെ പാക്കിസ്ഥാനി മരുമകൻ

അ​ജ്മാ​ന്‍: ലോകത്തെ നടുക്കിയ വയനാട് ഉരുൾപൊട്ടൽ പുനരധിവാസത്തിനായി സ​ഹാ​യ​ഹ​സ്ത​വു​മാ​യി കേ​ര​ള​ത്തി​ന്‍റെ പാ​കി​സ്താ​നി മ​രു​മ​ക​നും. കോട്ടയം സ്വ​ദേ​ശി​നി ശ്രീ​ജ ഗോ​പാ​ലും ഭ​ര്‍ത്താ​വും പാ​കി​സ്താ​ന്‍ സ്വ​ദേ​ശി​യു​മാ​യ തൈ​മൂ​ര്‍ താ​രി​ഖും ചേർന്ന് വ​യ​നാട്ടിലെ സർവ്വവും നഷ്ടപ്പെട്ടവരെ ജീവിതത്തിലേക്ക് തിരികേ കൊണ്ടുവരുന്നതിനായി മുഖ്യമന്ത്രിയുടെ ദു​രി​താ​ശ്വാ​സ നി​ധി​യി​ലേ​ക്ക് സം​ഭാ​വ​ന ന​ൽ​കി.

ഒറ്റ രാത്രി കൊണ്ട് ഒ​രു പ്ര​ദേ​ശ​ത്തെ മ​നു​ഷ്യ​രും ജീ​വ​ജാ​ല​ങ്ങ​ളും ജീ​വി​ത സാ​ഹ​ച​ര്യ​ങ്ങ​ളും പ്ര​കൃ​തി ദു​ര​ന്ത​ത്തി​ല്‍ ഇ​ല്ലാ​താ​യ​ത് ക​ര​ള​ലി​യി​ക്കു​ന്ന കാ​ഴ്ച​യാ​ണെ​ന്നും ഇ​വി​ടെ കാ​ഴ്ച​ക്കാ​രാ​വാ​തെ ക​ഴി​യു​ന്ന സ​ഹാ​യം ന​ല്‍കു​ക​യാ​ണെ​ന്നും തൈമൂർ പ്രതികരിച്ചു. ദൂബായിലെ അജ്മാനിലാണ് ഇരുവരും താമസിക്കുന്നത്. വ​യ​നാ​ട്ടി​ലും ദു​ര​ന്ത​പ്ര​ദേ​ശ​ത്തും നി​ര​വ​ധി സുഹൃത്തുക്കളുണ്ടെന്നും ഇരുവരും പ്രതികരിച്ചു.

കേ​ര​ള​ത്തി​ല്‍ ക​ഴി​ഞ്ഞ ത​വ​ണ​യു​ണ്ടാ​യ പ്ര​ള​യ സ​മ​യ​ത്തും ഈ ​കു​ടും​ബം മു​ഖ്യ​മ​ന്ത്രി​യു​ടെ ദു​രി​താ​ശ്വാ​സ നി​ധി​യി​ലേ​ക്ക് സം​ഭാ​വ​ന ന​ല്‍കി​യി​രു​ന്നു. യു എ ഇ യിൽ നേഴ്സാണ് കോട്ടയം പുതുപ്പള്ളി സ്വദേശിനിയായ ശ്രീജാ ​ഗോപാലൻ. അജ്മാനിലെ ബിസിനസ്സുകാരനാണ് തൈമൂർ താരിഖ് ഖുറേഷി. കോട്ടയം പുതുപ്പള്ളിയിൽ താരിഖിന് സ്വന്തമായി ഒരു വീടുണ്ട്. ഭാര്യ ശ്രീജയുടെ വീടിന് അടുത്ത് തന്നെയാണ് താരിഖ് തന്റെ പിതാവിന്റെ പേരിൽ വീട് പണിതത്. താരിഖ് മനസിൽ എന്നാണ് വീടിന്റെ പേര്.