മൂന്ന് സംസ്ഥാനങ്ങളിൽ റെയിൽവേ ഉപരോധത്തിന് ആഹ്വാനം ചെയ്ത് കുർമി സമൂഹം: 20 ട്രെയിനുകൾ റദ്ദാക്കി, 47 എണ്ണം വഴിതിരിച്ചുവിട്ടു

(www.kl14onlinenews.com)

(19-Sep-2023)

മൂന്ന് സംസ്ഥാനങ്ങളിൽ റെയിൽവേ ഉപരോധത്തിന് ആഹ്വാനം ചെയ്ത് കുർമി സമൂഹം: 20 ട്രെയിനുകൾ റദ്ദാക്കി, 47 എണ്ണം വഴിതിരിച്ചുവിട്ടു

എസ്ടി പദവി ആവശ്യപ്പെട്ട് സെപ്റ്റംബർ 20 മുതൽ മൂന്ന് സംസ്ഥാനങ്ങളിൽ അനിശ്ചിതകാല റെയിൽവേ ഉപരോധത്തിന് ആഹ്വാനം ചെയ്ത് കുർമി സമൂഹം. ഇതേ തുടർന്ന് ജാർഖണ്ഡിലെയും ഒഡീഷയിലെയും സൗത്ത് ഈസ്റ്റേൺ റെയിൽവേ (എസ്ഇആർ), ഈസ്റ്റ് കോസ്റ്റ് റെയിൽവേ (ഇസിഒആർ) എന്നിവയുടെ അധികാരപരിധിയിൽ വരുന്ന 20 ട്രെയിനുകൾ റദ്ദാക്കുകയും 47 എണ്ണം വഴിതിരിച്ചുവിടുകയും ചെയ്തു.

കുർമി വിഭാഗത്തിന് എസ്ടി പദവിയും ഭരണഘടനയുടെ എട്ടാം ഷെഡ്യൂളിൽ കുർമലി ഭാഷയും ഉൾപ്പെടുത്തണമെന്ന് ആവശ്യപ്പെട്ടാണ് ഉപരോധം. നിരവധി കുർമി സംഘടനകൾ ജാർഖണ്ഡ്, പശ്ചിമ ബംഗാൾ, ഒഡീഷ എന്നിവിടങ്ങളിലെ ഒമ്പത് റെയിൽവേ സ്റ്റേഷനുകളിലാണ് ഉപരോധം നടത്തുക. സെപ്റ്റംബർ 20 മുതൽ അനിശ്ചിതകാല നടക്കുന്ന റെയിൽവേ ഉപരോധം മൂന്ന് സംസ്ഥാനങ്ങളെ ബാധിക്കും.

അതേസമയം സംസ്ഥാനത്ത് നാലിടങ്ങളിൽ റെയിൽവേ ഉപരോധം സംഘടിപ്പിക്കുമെന്ന് ജാർഖണ്ഡ് ആസ്ഥാനമായുള്ള ടോട്ടെമിക് കുർമി വികാസ് മോർച്ച (ടികെവിഎം) പ്രസിഡന്റ് ശീതൾ ഒഹ്ദർ പറഞ്ഞു. ധൻബാദ് റെയിൽ ഡിവിഷനു കീഴിലുള്ള ഗോമോ, റാഞ്ചി റെയിൽ ഡിവിഷനു കീഴിലുള്ള മുറി, അദ്ര റെയിൽ ഡിവിഷനു കീഴിലുള്ള നിംദിഹ്, ചക്രധർപൂർ റെയിൽ ഡിവിഷനു കീഴിലുള്ള ഘഘര എന്നിവ ഇതിൽ ഉൾപ്പെടുന്നു.

പശ്ചിമ ബംഗാളിലെ ഖേമസുലിയിലും കസ്തൗറിലും ഒഡീഷയിലെ ഹരിചന്ദൻപൂർ, ജറൈകേല, ധൻപൂർ എന്നിവിടങ്ങളിലും ഉപരോധം നടക്കുമെന്ന് ഒഹ്ദർ വ്യക്തമാക്കി.

ഉപരോധത്തെ തുടർന്ന് ട്രെയിനുകൾ വഴിതിരിച്ചുവിട്ടു

അനിഷ്ട സംഭവങ്ങളൊന്നും ഉണ്ടാകാതിരിക്കാൻ പ്രധാന സ്റ്റേഷനുകളിൽ റെയിൽവേ പോലീസ് സേനയിലെ ഉദ്യോഗസ്ഥരെ വൻതോതിൽ വിന്യസിച്ചിട്ടുണ്ടെന്ന് റാഞ്ചി ഡിവിഷനിലെ സീനിയർ ഡിവിഷണൽ കൊമേഴ്‌സ്യൽ മാനേജർ ഇന്ത്യാ ടുഡേയോട് പറഞ്ഞു. ക്രമസമാധാനം ഉറപ്പാക്കാൻ റെയിൽവേ ജാർഖണ്ഡ് സർക്കാരിന്റെ സഹായവും തേടിയിട്ടുണ്ട്.

കുർമി സമുദായത്തിൽ നിന്നുള്ള ആയിരക്കണക്കിന് ആളുകൾ പരമ്പരാഗത വസ്ത്രം ധരിച്ച് പ്രതിഷേധത്തിൽ പങ്കെടുക്കുമെന്ന് ശീതൾ ഒഹ്ദർ പറഞ്ഞു.

റെയിൽവേ ട്രാക്കുകൾ തടയുന്നതിന്റെ സമാനമായ പ്രതിഷേധം കഴിഞ്ഞ വർഷവും സെപ്റ്റംബർ 20 ന്

കുർമി സമൂഹം നടത്തിയിരുന്നു. ഇത് അഞ്ച് ദിവസം നീണ്ടുനിന്നു.