(www.kl14onlinenews.com)
(July -25-2023)
മസ്കറ്റ് വിമാനം കരിപ്പൂരിൽ തിരിച്ചിറക്കി; യാത്ര 6 മണിക്കൂർ വൈകും
കോഴിക്കോട് നിന്ന് മസ്‌കറ്റിലേക്ക് പോയ വിമാനം കരിപ്പൂര്‍ വിമാനത്താവളത്തില്‍ തിരിച്ചിറക്കി. ഒമാന്‍ എയറിന്റെ ഡബ്ല്യുവൈ 298 വിമാനമാണ് തിരിച്ചിറക്കേണ്ടി വന്നത്. 9.16ന് കോഴിക്കോട് നിന്ന് പുറപ്പെട്ട വിമാനം കാലാവസ്ഥാ റഡാറിലെ തകരാര്‍ കാരണമാണ് തിരിച്ചിറക്കിയത്.
വിമാനത്തില്‍ 162 യാത്രക്കാരുണ്ട്. ഇവര്‍ സുരക്ഷിതരാണെന്ന് വിമാനത്താവള അധികൃതര്‍ അറിയിച്ചു. അതേസമയം പൈലറ്റിന്റെ ഡ്യൂട്ടി സമയം കഴിഞ്ഞതിനാല്‍ 6 മണിക്കൂറിനു ശേഷമേ വിമാനം പുറപ്പെടൂവെന്നാണ് വിവരം. നേരത്തെ ഇന്ധനം കത്തിച്ചു തീര്‍ക്കാനായി കരിപ്പൂര്‍ വിമാനത്താവളത്തിനു മുകളില്‍ ഒരു മണിക്കൂര്‍ വിമാനം കറങ്ങിയിരുന്നു. തുടര്‍ന്നാണ് സുരക്ഷിതമായി തിരിച്ചിറക്കിയത്.
Post a Comment