(www.kl14onlinenews.com)
(23-Dec-2024)
ജനുവരി 22ന് പ്രതിപക്ഷ സർവീസ് സംഘടനകൾ പണിമുടക്കുന്നു
ജനുവരി 22ന് സംസ്ഥാനത്തെ പ്രതിപക്ഷ സർവീസ് സംഘടനകൾ പണിമുടക്കുന്നു. സ്റ്റേറ്റ് എംപ്ലോയീസ് ടീച്ചേഴ്സ് ഓർഗനൈസേഷന്റെ (സെറ്റോ) നേതൃത്വത്തിലാണ് സംഘടനകളുടെ പ്രതിഷേധം.
ഇന്ന് നടന്ന സമര പ്രഖ്യാപന കൺവെൻഷൻ പ്രതിപക്ഷനേതാവ് വി.ഡി സതീശൻ ഉദ്ഘാടനം ചെയ്തു.
"അതി രൂക്ഷമായ വിലക്കയറ്റമാണ് സംസ്ഥാനത്തുള്ളത്. ക്ഷാമബത്ത ജീവനക്കാരുടെ അവകാശമാണ്. ആറ് ഗഡു 19 ശതമാനം ക്ഷാമബത്ത കുടിശ്ശികയാണ്. അഞ്ചുവർഷം കഴിഞ്ഞിട്ടും ശമ്പള പരിഷ്കരണ കമ്മീഷനെ നിയമിച്ചിട്ടില്ല. അഞ്ചു വർഷമായി ലീവ് സറണ്ടർ പിടിച്ചു വച്ചിരിക്കുന്നു" വിഡി സതീശൻ കുറ്റപ്പെടുത്തി.
സംസ്ഥാനത്ത് സർക്കാരില്ലെന്നുള്ളതാണ് കേരളം നേരിടുന്ന പ്രതിസന്ധിയെന്ന് വി ഡി സതീശൻ പറഞ്ഞു.
ശമ്പള കൊള്ളയിലൂടെ സംസ്ഥാനത്തെ അധ്യാപകരുടെയും ജീവനക്കാരുടെയും 65000 കോടി രൂപയാണ് സർക്കാർ അപഹരിച്ചിരിക്കുന്നതെന്നും പ്രതിപക്ഷ നേതാവ് സതീശൻ ആരോപിച്ചു.
Post a Comment