(www.kl14onlinenews.com)
(29-Dec-2024)
തൊഴിലാളികൾക്കിടയിലേക്ക് ചീറിപ്പാഞ്ഞ് നടിയുടെ വാഹനം; ഒരാൾക്ക് ദാരുണാന്ത്യം, കാർ ശരീരത്തിലൂടെ കയറിയിറങ്ങി
മുംബൈ :
നടി ഊർമിള കൊത്താരെയുടെ വാഹനം ഇടിച്ച് മെട്രോ തൊഴിലാളിക്ക് ദാരുണാന്ത്യം. മുംബൈയിലെ കിന്ദിവലിയിലാണ് സംഭവം. അമിത വേഗതയിലെത്തിയ നടിയുടെ വാഹനം ഇവിടെ മെട്രോ നിർമ്മാണത്തിൽ ഏർപ്പെട്ടിരുന്ന തൊഴിലാളികൾക്കിടയിലേക്ക് ഇടിച്ച് കയറുകയായിരുന്നു. ഒരു തൊഴിലാളിയ്ക്ക് ഗുരുതരമായി പരിക്കേൽക്കുകയും ചെയ്തു.
എയർബാഗുള്ളതിനാൽ നടിയും ഡ്രൈവറും അത്ഭുതകരമായി രക്ഷപ്പെട്ടു. നിസ്സാരമായ പരിക്കുകളാണ് ഇവർക്കുള്ളത്. ഒരു സിനിമാ ഷൂട്ടിങ്ങിന് കഴിഞ്ഞ് മടങ്ങുമ്പോൾ പോയസർ മെട്രോ സ്റ്റേഷനു സമീപമാണ് സംഭവം. അപകടസമയത്ത് കാർ അമിതവേഗതയിലായിരുന്നുവെന്ന് പോലീസ് പറഞ്ഞു. ഡ്രൈവർക്കെതിരെ കേസെടുത്ത പോലീസ് അന്വേഷണം ആരംഭിച്ചിട്ടുണ്ട്.
അപകടത്തില് കാറിന്റെ മുന്വശം പൂര്ണമായും തകര്ന്നു. മറാത്തി ചലച്ചിത്രമേഖലയിൽ അറിയപ്പെടുന്ന പേരാണ് ഊർമിള. ദുനിയാദാരി, ശുഭ്മംഗള് സാവ്ധാന്, തി സത്യ കേ കര്ത്തേ തുടങ്ങിയ ചിത്രങ്ങളിലൂടെ ശ്രദ്ധേയ ആണ് ഊര്മിള. നടനും സംവിധായകനുമായ അദിനാഥ് കോത്താരെയാണ് ഊര്മിളയുടെ ഭര്ത്താവ്.
Post a Comment