(www.kl14onlinenews.com)
(10-Dec-2024)
ജെ.സി.ഐ കാസർകോട് സ്ഥാനാരോഹണ ചടങ്ങ് ഡിസംബർ 13 ന്
കാസർകോട് : ജെ.സി.ഐ കാസറഗോഡിൻ്റെ 2025 വർഷത്തെ ഭാരവാഹികളുടെ സ്ഥാനാരോഹണ ചടങ്ങ് ഡിസംബർ 13 വെള്ളിയാഴ്ച വൈകുന്നേരം 7 മണിക്ക് കാസറഗോഡ് മുനിസിപ്പാൾ കോൺഫറൻസ് ഹാളിൽ വെച്ച് നടക്കും. കാഞ്ഞങ്ങാട് നിയോജക മണ്ഡലം എം.എൽ.എ *ഇ. ചന്ദ്രശേഖരൻ* മുഖ്യാതിഥിയായി പങ്കെടുക്കും. ജെ.സി.ഐ കാസറഗോഡ് പ്രസിഡണ്ട് കെ.എം മൊയിനുദ്ദീൻ അദ്ധ്യഷത വഹിക്കുന്ന ചടങ്ങിൽ ജെ.സി.ഐ മേഖലാ പ്രസിഡണ്ട് *ജസിൽ ജയൻ വിശിഷ്ടാതിഥിയായിരിക്കും. ജെ.സി.ഐ ദേശീയ പരിശീലകൻ രാജേഷ് കൂട്ടക്കനി മുഖ്യ പ്രഭാഷണം നടത്തും. സിനിമാ താരം അപർണ്ണ ഹരി പ്രത്യേക അതിഥിയായിരിക്കും.* ജെ.സി.ഐ സോൺ വൈസ് പ്രസിഡണ്ട് മുഹമ്മദ് ജെബ്രൂദ്, പ്രസിഡണ്ട് മിഥുൻ ഗുരി കല വളപ്പിൽ ,സോൺ ഓഫീസർ യത്തീഷ് ബള്ളാൾ, പ്രോഗ്രാം ഡയറക്ടർ റംസാദ് അബ്ദുള്ള, സെക്രട്ടറി മുഹമ്മദ് മഖ്സൂസ് എന്നിവർ സംസാരിക്കും. 2025 വർഷത്തെ പ്രസിഡണ്ടായി മിഥുൻ ഗുരികല വളപ്പിൽ, സെക്രട്ടറി മുഹമ്മദ് മഖ്സൂസ്, ട്രഷറർ ബിനീഷ് മാത്യൂ ഉൾപെടെ പതിനഞ്ചംഗ ഗവർണിംഗ് ബോർഡ് അംഗങ്ങൾ സത്യപ്രതിജ്ഞ ചെയ്ത് അധികാരമേൽക്കും. വ്യത്യസ്ത മേഖലകളിൽ വ്യക്തിമുദ്ര പതിപ്പിച്ച വൃക്തികളെ ചടങ്ങിൽ വെച്ച് പുരസ്കാരം നൽകി ആദരിക്കും. ഫ്ലാഗ്ഷിപ്പ് പ്രോഗ്രാം ലോഗോ പ്രകാശനവും ബുള്ളറ്റിൻ പ്രകാശനവും വിശിഷ്ടാതിഥി നിർവഹിക്കും. തുടർന്ന് കലാപരിപാടികളും ഉണ്ടായിരിക്കും.
പത്രസമ്മേളനത്തിൽ കെ.എം മൊയിനുദ്ദീൻ, സി.കെ. അജിത്ത് കുമാർ, മിഥുൻ ഗുരികല വളപ്പിൽ, യത്തീഷ് ബള്ളാൾ, റംസാദ് അബ്ദുള്ള, എ എം ശിഹാബുദ്ദീൻ, മുഹമ്മദ് മഖ്സൂസ് എന്നിവർ പങ്കെടുത്തു.
Post a Comment