(www.kl14onlinenews.com)
(11-November -2024)
കൊട്ടിക്കലാശിച്ച് പ്രചാരണം, ആവേശത്തിനിടെ സംഘ‍ർഷം; വയനാടും ചേലക്കരയും ഇനി നിശബ്ദ പ്രചാരണം
ലോക്സഭാ ഉപതെരഞ്ഞെടുപ്പ് പ്രചാരണത്തിന് വയനാട്ടിലും ചേലക്കരയിലും കൊട്ടിക്കലാശം. ഇതോടെ പരസ്യപ്രചരണം അവസാനിച്ചു. ഇനി നിശബ്ദ പ്രചരണം നടത്തി വോട്ടുറപ്പിക്കാനാണ് മുന്നണികളുടെ നീക്കം. ആവേശം കൊടിമുടി കയറിയ കൊട്ടിക്കലാശത്തിനിടെ ചിലയിടങ്ങളിൽ സംഘർഷമുണ്ടായി. വണ്ടൂരിലും തിരുവമ്പാടിയിലും ചേലക്കരയിലുമാണ് സംഘർഷമുണ്ടായത്.
വണ്ടൂരിൽ പൊലീസും യുഡിഎഫും തമ്മിൽ സംഘർഷമുണ്ടായി. തിരുവമ്പാടിയിൽ എൽഡിഎഫ് യുഡിഎഫ് പ്രവർത്തകർ തമ്മിലും നേരിയ സംഘർഷമുണ്ടായി. ചേലക്കരയില്‍ എൽഡിഎഫ് കൊട്ടിക്കലാശസ്ഥലത്തും ബിജെപിയുടെ പ്രചാരണവണ്ടി കൊണ്ടിട്ടതിനെ ചൊല്ലി ബഹളം ഉണ്ടായി. എന്നാൽ പൊലീസ് പ്രവർത്തകരെ പിടിച്ച് മാറ്റി.
വയനാട്ടിലെ ബത്തേരിയിൽ സ്ഥാനാര്‍ത്ഥി പ്രിയങ്ക ഗാന്ധിയും രാഹുൽ ഗാന്ധിയും റോഡ് ഷോ നടത്തിയത് യുഡിഎഫ് അണികളെ ആവേശത്തിലാക്കി. വൈകീട്ട് തിരുമ്പാടിയിലും ഇരുവരുടെയും റോഡ് ഷോയും നടത്തി. പ്രിയങ്കയുടെ ചിത്രം പതിച്ച തൊപ്പി അണിഞ്ഞ് പ്രവർത്തകർ ഒഴുകിയെത്തി.
എൽഡിഎഫ് സ്ഥാനാര്‍ത്ഥി സത്യൻ മൊകേരി വൈകീട്ട് കൽപ്പറ്റയിലെ കൊട്ടിക്കലാശത്തിലാണ് പങ്കെടുത്തത്. എൻഡിഎ സ്ഥാനാർത്ഥി നവ്യ ഹരിദാസ് ക്രെയിനിൽ കയറിയാണ് കൊട്ടിക്കലാശത്തിൽ പങ്കുചേർന്നു.
വൈകിട്ട് ചേലക്കര ടൗണിൽ മൂന്ന് സ്ഥാനാർത്ഥികളും പങ്കെടുത്തുള്ള കൊട്ടിക്കലാശം നടന്നു. ചേലക്കരയിൽ രമ്യ ഹരിദാസിനൊപ്പം രാഹുൽ മാങ്കൂട്ടത്തിലും ചാണ്ടി ഉമ്മനും വി കെ ശ്രീകണ്ഠനും കൊട്ടിക്കലാശത്തില്‍ പങ്കെടുത്തു.
Post a Comment