കുതിപ്പ് തുടരുന്നു; സ്വർണവില ഈ മാസത്തെ ഏറ്റവും ഉയര്‍ന്ന നിരക്കിൽ

(www.kl14onlinenews.com)

(21-August -2024)

കുതിപ്പ് തുടരുന്നു; സ്വർണവില ഈ മാസത്തെ ഏറ്റവും ഉയര്‍ന്ന നിരക്കിൽ

രാജ്യത്തെ സ്വർണ വില വീണ്ടും റെക്കോഡ് വർദ്ധനവിൽ എത്തുന്നു. കഴിഞ്ഞ ദിവസങ്ങളിലായി സ്വർണ വില വർദ്ധിച്ചുകൊണ്ടിരിക്കുകയാണ്. ഇന്ന് 50 രൂപയാണ് ഒരു ഗ്രാം സ്വർണത്തിൽ വർദ്ധിച്ചത്. ഇതോടെ ഗ്രാമിന് 6,710 രൂപയും പവന് 53,680 രൂപയിലുമാണ് ഇന്ന് വ്യാപാരം ആരംഭിച്ചത്. ഈ മാസത്തെ ഏറ്റവും റെക്കോഡ് വിലയാണ് ഇത്.

ഇന്നലെ ഒരു ഗ്രാം സ്വർണം 6,660 രൂപയും പവൻ 53,280 രൂപയിലുമാണ് വ്യാപാരം അവസാനിച്ചത്. വിവാഹ സീസണുകൾ എത്തിയതോടെ ഈ വിപണി വില സാധാരണക്കാർക്ക് വലിയ അടിയാകുകയാണ്.

വെള്ളി വിലയിൽ ഇന്ന് മാറ്റമില്ല. ഇന്നത്തെ വെള്ളി വില ഗ്രാമിന് 92 രൂപയും കിലോഗ്രാമിന് 92,000 രൂപയുമാണ്. അന്താരാഷ്ട്ര വിപണിക്കനുസരിച്ചാണ് ഇന്ത്യയിലെ വെള്ളി വില നിശ്ചയിക്കപ്പെടുന്നത്. ഡോളറുമായി താരതമ്യം ചെയ്യുന്പോള്‍ രൂപയുടെ വിലയില്‍ വരുന്ന കയറ്റിറക്കങ്ങളും വെള്ളി വിലയെ സ്വാധീനിക്കും.

ആഗസ്റ്റ് മാസത്തിലെ സ്വർണവില (പവനിൽ)

ആഗസ്റ്റ് 1: 51,600

ആഗസ്റ്റ് 2: 51,840

ആഗസ്റ്റ് 3: 51,760

ആഗസ്റ്റ് 4: 51,760

ആഗസ്റ്റ് 5: 51,760

ആഗസ്റ്റ് 6: 51,120

ആഗസ്റ്റ് 7: 50,800

ആഗസ്റ്റ് 8: 50,800

ആഗസ്റ്റ് 9: 51,400

ആഗസ്റ്റ് 10: 51,560

ആഗസ്റ്റ് 11: 51,560

ആഗസ്റ്റ് 12: 51,760

ആഗസ്റ്റ് 13: 52,520

ആഗസ്റ്റ് 14: 52,440

ആഗസ്റ്റ് 15: 52,440

ആഗസ്റ്റ് 16: 52,520

ആഗസ്റ്റ് 17: 53,360

ആഗസ്റ്റ് 18: 53,360

ആഗസ്റ്റ് 19: 53,360

ആഗസ്റ്റ് 20: 53,280 

സ്വർണത്തിന്‍റെയും വെള്ളിയുടെയും പ്ലാറ്റിനത്തിന്‍റെയും ഇറക്കുമതി തീരുവ കേന്ദ്ര സർക്കാർ കുറച്ചിരുന്നു. സ്വർണത്തിന്‍റെയും വെള്ളിയുടെയും ഇറക്കുമതി തീരുവ ആറ് ശതമാനവും പ്ലാറ്റിനത്തിന്റേത് 6.4 ശതമാനവുമാണ് കുറച്ചത്. രാജ്യാന്തര വിപണിയിലെ ചലനങ്ങൾക്ക് അനുസരിച്ചാണ് രാജ്യത്ത് സ്വർണവില നിശ്ചയിക്കപ്പെടുന്നത്. ഡോളർ - രൂപ വിനിമയ നിരക്ക്, ഇറക്കുമതി തീരുവ എന്നിവയും സ്വർണവിലയെ സ്വാധീനിക്കുന്ന ഘടകങ്ങളാണ്. 

ലോകത്തെ ഏറ്റവും വലിയ സ്വർണ ഉപഭോക്താക്കളാണ് ഇന്ത്യ. ഓരോ വർഷവും ടൺ കണക്കിന് സ്വർണം രാജ്യത്ത് ഇറക്കുമതി ചെയ്യപ്പെടുന്നു. അതുകൊണ്ട് ആഗോള വിപണിയിൽ സംഭവിക്കുന്ന ചെറിയ ചലനങ്ങൾ പോലും അടിസ്ഥാനപരമായി ഇന്ത്യയിലെ സ്വർണവിലയിൽ പ്രതിഫലിക്കും

അതേസമയം, രാജ്യാന്തര വിപണിയിൽ സ്വർണത്തിന് വില കുറഞ്ഞാൽ ഇന്ത്യയിൽ വില കുറയണമെന്ന് നിർബന്ധമില്ല. രൂപയുടെ മൂല്യം, പ്രാദേശികമായ ആവശ്യകത, ഇറക്കുമതി തീരുവ എന്നീ ഘടകങ്ങൾ ഇന്ത്യയിലെ സ്വർണവില നിശ്ചയിക്കുന്നതിൽ പ്രധാന പങ്കുവഹിക്കും. നിലവിൽ പ്രാദേശികമായി പ്രവർത്തിക്കുന്ന ഗോൾഡ് അസോസിയേഷനുകളാണ് ആഭ്യന്തര വിപണിയിൽ സ്വർണത്തിന് വിലയിടുന്നത്. ആവശ്യകത അനുസരിച്ച് സ്വർണത്തിന് വിലകൂട്ടാനും വിലകുറയ്ക്കാനും അസോസിയേഷനുകൾക്ക് കഴിയും. ആവശ്യമായ സാഹചര്യങ്ങളിൽ ദിവസത്തിൽ രണ്ടുതവണ വരെ അസോസിയേഷനുകൾ വില പുതുക്കാറുണ്ട്.