(www.kl14onlinenews.com)
(01-July-2024)
അപ്രതീക്ഷിത മലവെള്ളപ്പാച്ചിലിൽ പരസ്പരം കെട്ടിപ്പിടിച്ച് അവർ, ഒരു കുടുംബത്തിലെ 5 പേർക്ക് ദാരുണാന്ത്യം
മുംബൈ: ലോണാവാലയിൽ കനത്ത മഴയെ തുടർന്ന് വെള്ളച്ചാട്ടത്തിൽ കുടുംബം ഒലിച്ചുപോയ സംഭവത്തിൽ കൂടുതൽ വിവരങ്ങൾ പുറത്ത്. ഏഴംഗ കുടുംബമാണ് ഒലിച്ചുപോയത്. സംഭവത്തിൽ അഞ്ച് പേർ മരിച്ചു. രണ്ട് പേർ മാത്രമാണ് രക്ഷപ്പെട്ടത്. രണ്ട് കുട്ടികളുടെ മൃതദേഹം കണ്ടെത്താനുണ്ട്. പുനെ സ്വദേശികളായ ഷാഹിസ്ത അൻസാരി (36), അമീമ അൻസാരി (13), ഉമേര അൻസാരി (8) എന്നിവരുടെ മൃതദേഹങ്ങളാണ് കണ്ടെടുത്തത്. അദ്‌നാൻ അൻസാരി (4), മരിയ സയ്യദ് (9) എന്നിവരെയാണ് കാണാതായത്. പൂനെ സിറ്റിയിലെ സയ്യദ് നഗർ പ്രദേശത്താണ് കുടുംബം താമസിക്കുന്നത്. ദാരുണമായിരുന്നു അപകടം.
80 കിലോമീറ്റർ അകലെയുള്ള ഹിൽ സ്റ്റേഷനിൽ അവധിക്കാലം ആഘോഷിക്കാനെത്തിയതായിരുന്നു ഇവർ. നിരവധി വിനോദസഞ്ചാരികൾ ഈ സമയം പ്രദേശത്തുണ്ടായിരുന്നു. ഇതിനിടെ ഇവർ എല്ലാവരും ബുഷി അണക്കെട്ടിന് സമീപത്തെ വെള്ളച്ചാട്ടത്തിൽ കുളിക്കാനിറങ്ങി. എന്നാൽ, കഴിഞ്ഞ ദിവസങ്ങളിൽ പെയ്ത കനത്ത മഴയിൽ ഡാമിൽ നീരൊഴുക്ക് വർധിച്ചതോടെ വെള്ളച്ചാട്ടത്തിന്റെ ശക്തി വർധിച്ചത് പെട്ടെന്നായിരുന്നു. ഇതോടെ ഇവർ കുടുങ്ങി. രക്ഷപ്പെടാനായി വെള്ളച്ചാടത്തിന് നടുവിലെ പാറയിൽ എല്ലാവരും കയറി നിന്നെങ്കിലും ഒഴുക്ക് വർധിച്ചതോടെ പാറയും മുങ്ങി. അതോടെ എല്ലാവരും ഒഴുക്കിൽപ്പെടുകയായിരുന്നു
യാതൊരു വിധത്തിലുള്ള സുരക്ഷ മാനദണ്ഡങ്ങളും ഇല്ലാതെയാണ് ഇവർ വെള്ളച്ചാട്ടത്തിൽ ഇറങ്ങിയത്. ലോണാവാല പോലീസും എമർജൻസി സർവീസുകളും മുങ്ങൽ വിദഗ്ധരും രക്ഷാപ്രവർത്തകരും ഉൾപ്പെട്ട രക്ഷാപ്രവർത്തനം ആരംഭിച്ചു. കാണാതായ കുട്ടികളെ കണ്ടെത്താൻ തിങ്കളാഴ്ചയും തിരച്ചിൽ തുടരുകയാണ്. കൂടുതൽ ദുരന്തങ്ങൾ ഉണ്ടാകാതിരിക്കാൻ ഈ പ്രദേശങ്ങളിൽ ജാഗ്രത പാലിക്കണമെന്ന് അധികൃതർ നിർദ്ദേശിച്ചു. കുടുംബത്തിൻ്റെ അവസാന നിമിഷങ്ങളുടെ ഭയാനകമായ ദൃശ്യങ്ങൾ പുറത്തുവന്നു.
സഹായത്തിനായി നിലവിളിക്കുന്നുണ്ടെങ്കിലും കനത്ത മഴയും ഒഴുക്കും കാരണം ആർക്കും എത്തിപ്പെടാനാകുമായിരുന്നില്ല. ഇവർ വെള്ളച്ചാട്ടത്തിലേക്ക് വഴുതിവീണ് താഴെയുള്ള റിസർവോയറിൽ മുങ്ങിമരിക്കുകയായിരുന്നെന്ന് വാർത്താ ഏജൻസിയായ പിടിഐ റിപ്പോർട്ട് ചെയ്തു.
വെളിച്ചക്കുറവ് കാരണം നിര്‍ത്തിവച്ച തിരച്ചില്‍ ഇന്ന് രാവിലെ പുനഃരാരംഭിച്ചു. എല്ലാവരും പുഴയുടെ നടുക്ക് ഒരുമിച്ച് കെട്ടിപ്പിടിച്ച് നിലവിളിക്കുന്നതും ഒഴുക്ക് ശക്തമായസതോടെ ഒഴുകി പോകുന്നതും ദൃശ്യങ്ങളിൽ കാണാം. കുടുംബത്തിന്റെ പരിചയക്കുറവും അശ്രദ്ധയുമാണ് വലിയ അപകടത്തിലേക്ക് നയിച്ചത്.
അപകടം നടന്ന ദിവസം 50,000 വിനോദസഞ്ചാരികൾ ലോൺവാലയിൽ എത്തിയിരുന്നു.
ഞായറാഴ്ച 50,000-ത്തിലധികം ആളുകൾ ലോണാവാലയിൽ എത്തിയിട്ടുണ്ടെന്ന കണക്കുകളുടെ അടിസ്ഥാനത്തിൽ ഒരു പോലീസ് ഉദ്യോഗസ്ഥൻ പറഞ്ഞു, 'നിരവധി മുന്നറിയിപ്പ് നൽകിയിട്ടും ആളുകൾ ഭൂഷി ഡാമിന് മുകളിലുള്ള മലയോര മേഖലയിലെ അപകടകരമായ പ്രദേശങ്ങളിലേക്ക് പോകുന്നത് സങ്കടകരമായ സംഭവമാണ്. മുന്നറിയിപ്പുകൾ അവഗണിച്ച് ഭൂഷി അണക്കെട്ടിലെ വെള്ളച്ചാട്ടത്തിൽ വിനോദത്തിനായി പലരും ഇറങ്ങിയിരുന്നു.
വിനോദസഞ്ചാരികൾ മുന്നറിയിപ്പുകൾ അവഗണിക്കുന്നു
പോലീസ് ലോണാവാല, ഖണ്ടാല, പവന അണക്കെട്ട് പ്രദേശങ്ങളിലെ അപരിചിതമായ പ്രദേശങ്ങളിലേക്ക് പോയി ജീവൻ അപകടപ്പെടുത്തരുതെന്ന് പൂനെ റൂറൽ പോലീസ് സൂപ്രണ്ട് പങ്കജ് ദേശ്മുഖ് അഭ്യർത്ഥിച്ചു. "സംഭവം നടന്ന ഭൂഷി അണക്കെട്ടിന് സമീപമുള്ള പ്രദേശം ഇന്ത്യൻ റെയിൽവേയുടെയും വനം വകുപ്പിൻ്റെയും അധികാരപരിധിയിൽ വരുന്നതാണ്. ഇത്തരം സംഭവങ്ങൾ തടയുന്നതിനുള്ള നടപടികൾ വികസിപ്പിക്കുന്നതിന് എല്ലാ പങ്കാളികളുമായും യോഗം ചേരും." അദ്ദേഹം പറഞ്ഞു.
إرسال تعليق