കുട്ടിയെ കൊണ്ട് സ്കൂട്ടർ ഓടിപ്പിച്ചു; പണികൊടുത്ത് എം.വി.ഡി 2024

(www.kl14onlinenews.com)

(13-May-2024)

കുട്ടിയെ കൊണ്ട് സ്കൂട്ടർ ഓടിപ്പിച്ചു; പണികൊടുത്ത് എം.വി.ഡി

മലപ്പുറം(Malappuram) മഞ്ചേരിയിൽ(Manjeri) കുട്ടിയെ(child) കൊണ്ട് പിതാവ്(father) ബൈക്ക് ഓടിപ്പിച്ച സംഭവത്തിൽ കടുത്ത നടപടിയുമായി മോട്ടോർ വാഹന വകുപ്പ്(Motor Vehicle department). വാഹനത്തിൻ്റെ ആർസി ഒരു വർഷത്തേക്ക് സസ്പെൻഡ് ചെയ്തു. വിവിധ വകുപ്പുകൾ പ്രകാരം 35000 രൂപ പിഴ(fine) അടക്കാനും നിർദേശം നൽകിയിട്ടുണ്ട്. വാഹന ഉടമയ്ക്ക് 5000 രൂപ ഫൈനും,വാഹനം ഓടിച്ച കുട്ടിക്ക് 5000 രൂപ ഫൈനും,വാഹനം നൽകിയ ആൾക്കാർ 25000 രൂപ ഫൈനുമാണ് മോട്ടോർ വാഹന വകുപ്പ് ചുമത്തിയിരിക്കുന്നത്.

കൂടാതെ പ്രോസിക്യൂഷൻ നടപടികൾക്ക് കൈമാറുന്ന കേസിൽ ജയിൽ ശിക്ഷയും അനുഭവിക്കേണ്ടിവരും. പ്രായപൂർത്തിയാകാത്ത ലൈസൻസ് ഇല്ലാത്ത കുട്ടിയെക്കൊണ്ട് വാഹനം ഓടിപ്പിച്ചതിനാണ് രക്ഷിതാവിനെതിരെ മോട്ടോർ വാഹന വകുപ്പ് എൻഫോഴ്സ്മെന്റ് വിഭാഗം നടപടി സ്വീകരിച്ചത്. ഇക്കഴിഞ്ഞ ശനിയാഴ്ചയാണ് മുതിർന്നയാളെ പുറകിലിരുത്തി മഞ്ചേരി കിടങ്ങഴി പുല്ലൂർ സ്വദേശിയായ 12 വയസ്സുകാരൻ വാഹനം ഓടിച്ചത്.

കുട്ടിയുടെ പിതാവ് രണ്ടുമാസം മുൻപാണ് തൃശൂർ സ്വദേശിയിൽ നിന്ന് വാഹനം വാങ്ങിയത്. വാങ്ങിയശേഷം വാഹനത്തിന്റെ ഓണർഷിപ്പ് മാറ്റിയിട്ടില്ല. അതുകൊണ്ട് തന്നെ വാഹനം ഇപ്പോൾ തൃശൂർ സ്വദേശിയുടേതാണ്. അതിനാൽ ഏറെ പണിപ്പെട്ടു നടത്തിയ അന്വേഷണത്തിനൊടുവിലാണ് വാഹനം കണ്ടെത്തിയത്.