(www.kl14onlinenews.com)
(09-May-2024)
പോസ്റ്റിനും വാഹനത്തിനുമിടയിൽ കുടുങ്ങി; 20കാരിക്ക് ദാരുണാന്ത്യം
കോഴിക്കോട് കല്ലാച്ചിയിൽ(kallachi) വാഹനാപകടത്തിൽ പരുക്കേറ്റ കാൽനട യാത്രക്കാരിയായ വിദ്യാർഥിനി മരിച്ചു. കല്ലാച്ചി ചിയ്യൂർ സ്വദേശിനി പാറേമ്മൽ ഹരിപ്രിയ (20) ആണ് മരിച്ചത്. കാലിനും, തലയ്ക്കും ഗുരുതര പരുക്കേറ്റ ഹരിപ്രിയ കോഴിക്കോട് മെഡിക്കൽ കോളജ് ആശുപത്രിയിൽ ചികിത്സയിൽ ഇരിക്കെ ബുധനാഴ്ച രാത്രിയോടെയാണ് മരിച്ചത്. വെള്ളിയാഴ്ച രാവിലെ ഒമ്പതരയോടെ മിനി ബൈപാസ് റോഡിൽ അമിത വേഗത്തിൽ എത്തിയ പിക്കപ്പ് വാനിടിച്ചാണ് ഹരിപ്രിയയ്ക്ക് പരിക്കേറ്റത്. പോസ്റ്റിനും വാഹനത്തിനും ഇടയിൽ കുരുങ്ങിക്കിടന്ന ഹരിപ്രിയയെ നാട്ടുകാരാണ് പുറത്തെടുത്തത്.
വാണിമേൽ ഭാഗത്തുനിന്ന് അമിത വേഗതയിൽ വന്ന ഗ്യാസ് സിലിണ്ടർ കയറ്റി വന്ന പിക്കപ്പ് വാനാണ് വിദ്യാർഥിനിയെ ഇടിച്ചത്. വാഹനം നിയന്ത്രണം വിട്ട് റോഡരികിലൂടെ നടന്നുപോവുകയായിരുന്ന രണ്ട് വിദ്യാർഥികളെ ഇടിക്കുകയായിരുന്നു. തുടർന്ന് റോഡരികിലെ ഇലക്ട്രിക് പോസ്റ്റിലിടിച്ചാണ് വാഹനം നിന്നത്. കല്ലാച്ചിയിലെ ഹൈമ ഗ്യാസ് ഏജൻസിലെ വാഹനമാണ് അപകടമുണ്ടാക്കിയത്. എഴുത്തുപള്ളി പറമ്പത്ത് അമയ(20)ക്ക് പരുക്കേറ്റിരുന്നു. അമേയ ചികിത്സയിലാണ്. ഉണ്ണികൃഷ്ണൻ ശ്രീലേഖ ദമ്പതികളുടെ മകൾ ആണ് ഹരിപ്രിയ
Post a Comment