(www.kl14onlinenews.com)
(19-APR-2024)
സംഘർഷം തുറന്ന പോരിൽ! ഇറാന് നേരെ മിസൈൽ തൊടുത്ത് ഇസ്രയേൽ,യുദ്ധഭീതിയിൽ പശ്ചിമേഷ്യ
ഇസ്രയേൽ- ഇറാൻ (Israeli - Iran) സംഘർഷം തുറന്ന പോരിലേക്ക്. ജൂത രാഷ്ട്രത്തിനെതിരായ ആക്രമങ്ങൾക്ക് ദിവസങ്ങൾക്ക് ശേഷം ഇറാനിലേക്ക് മിസൈലുകൾ തൊടുത്ത് ഇസ്രയേൽ. ഇസ്രയേലിന്റഎ മിസൈലുകൾ ഇറാനിൽ പതിച്ചതായി ഒരു യുഎസ് ഉദ്യോഗസ്ഥൻ എബിസി ന്യൂസിനോട് പറഞ്ഞു. എന്നാൽ, ഇറാഖിലും സിറിയയിലും ആക്രമണം ഉണ്ടായിട്ടുണ്ടോയെന്ന് ഉദ്യോഗസ്ഥർ സ്ഥിരീകരിച്ചിട്ടില്ല.
ഇസ്ഫഹാൻ, തബ്രെസ് എന്നിവയുൾപ്പെടെ നിരവധി ഇറാനിയൻ നഗരങ്ങളിലും സ്ഫോടന ശബ്ദം കേട്ടു. ഇതിന്റെ വീഡിയോകൾ സോഷ്യൽ മീഡിയയിലും പ്രചരിക്കുന്നുണ്ട്. ഏപ്രിൽ 13 ന് ഇറാൻ ഇസ്രായേലിനെതിരെ നേരിട്ട് ആക്രമണം നടത്തിയതിന് ദിവസങ്ങൾക്ക് ശേഷമാണിത്. ഇസ്രായേലിന് നേരെ ഇറാൻ 300 മിസൈലുകളും ഡ്രോണുകളും വിക്ഷേപിച്ചിരുന്നു.
നതാന്സ് ആണവ കേന്ദ്രമടക്കം സ്ഥിതി ചെയ്യുന്ന ഇറാന്റെ നിര്ണായക പ്രദേശമാണ് ഇസ്ഫഹാന്സ് പ്രവിശ്യ. ഇറാന് വ്യോമപാതയിലൂടെയുള്ള നിരവധി വിമാനങ്ങള് തിരിച്ചുവിട്ടതായി സി.എന്.എന്നും റിപ്പോര്ട്ട് ചെയ്തിട്ടുണ്ട്
ഏപ്രില് ഒന്നിന് സിറിയന് തലസ്ഥാനമായ ഡമാസ്കസിലെ ഇറാന് നയതന്ത്രകാര്യാലയത്തില് ഇസ്രയേല് നടത്തിയ ആക്രമണമാണ് സംഘര്ഷങ്ങള്ക്കാധാരമായത്. തുടര്ന്ന് ഇതിന് തിരിച്ചടിയെന്നോണം ശനിയാഴ്ച മുന്നൂറിലധികം ഡ്രോണുകളും മിസൈലുകളുമയച്ച് ഇറാന് മറുപടി നല്കിയിരുന്നു.
അതേ സമയം നടന്നത് ഡ്രോൺ ആക്രമണമാണെന്നും ഡ്രോൺ തകർക്കാൻ കഴിഞ്ഞെന്നുമാണ് ഇക്കാര്യത്തിൽ ഇറാന്റെ വിശദീകരണം.
അതേ സമയം പിടിച്ചെടുത്ത ഇസ്രായേൽ കപ്പൽ വിട്ടുനൽകില്ലെന്ന് ഇറാൻ വ്യക്തമാക്കി. കപ്പലിലെ നാവികർക്ക് മടങ്ങാൻ തടസ്സമില്ലെന്ന് സർക്കാർ വൃത്തങ്ങൾ അറിയിച്ചു. 16 ഇന്ത്യക്കാർ കപ്പലിൽ തുടരുന്നത് കപ്പൽ നിയന്ത്രിക്കാൻ ജീവനക്കാർ വേണം എന്നതിനാലാണെന്നും ജീവനക്കാർക്ക് എപ്പോൾ വേണമെങ്കിലും മടങ്ങാമെന്നും ഇറാൻ അറിയിച്ചു.
Post a Comment