(www.kl14onlinenews.com)
(02-APR-2024)
ബി.ജെ.പിയിൽ ചേരാൻ നിർബന്ധിച്ചു, ഇല്ലെങ്കിൽ ഇ.ഡി അറസ്റ്റ് ചെയ്യുമെന്ന് ഭീഷണിപ്പെടുത്തിയെന്നും ആതിഷി
ന്യൂഡലഡൽഹി: ബിജെപിയിൽ ചേരാൻ ഭീഷണിപ്പെടുത്തി കൊണ്ട് തന്നെ ചിലർ കാണാനെത്തിയെന്നും അല്ലെങ്കിൽ ഒരു മാസത്തിനകം അറസ്റ്റ് ചെയ്യുമെന്ന് ഭീഷണിപ്പെടുത്തിയെന്നും ഡൽഹി മന്ത്രിയും എഎപി നേതാവുമായ അതിഷി. ഡൽഹിയിൽ വിളിച്ചു ചേർത്ത വാർത്താസമ്മേളനത്തിൽ സംസാരിക്കുകയായിരുന്നു അവർ.
ബിജെപി നേതാക്കൾ ഈ ആവശ്യവുമായി തന്റെ ഒരു അസോസിയേറ്റിനെ കാണാനെത്തിയിരുന്നു. പ്രധാനമന്ത്രി നരേന്ദ്ര മോദിയും ബിജെപിയും ആം ആദ്മി പാർട്ടിയെ നശിപ്പിക്കാൻ ആഗ്രഹിക്കുന്നുണ്ടെന്നും അവർ അറിയിച്ചു. ബിജെപി നേതാക്കളുടെ ഭീഷണികളെ ആം ആദ്മി പാർട്ടി ഭയക്കുന്നില്ല. ഞങ്ങൾ പ്രവർത്തനം തുടരും," അതിഷി പറഞ്ഞു.
"എഎപി നേതാക്കൾ നിങ്ങളുടെ ഭീഷണികളിൽ ഭയപ്പെടാൻ പോകുന്നില്ലെന്ന് ബിജെപിയോട് പറയാൻ ഞാൻ ആഗ്രഹിക്കുന്നു. ഞങ്ങൾ അരവിന്ദ് കെജ്‌രിവാളിൻ്റെ പട്ടാളക്കാരാണ്, ഭഗത് സിംഗിൻ്റെ അനുയായികളാണ്, ഞങ്ങൾ മരിക്കും, കഷ്ടപ്പെടും, പക്ഷേ നിങ്ങളുടെ കെണിയിൽ പെടില്ല. ബിജെപിയിൽ ചേരില്ല. നിങ്ങൾക്ക് എല്ലാ നേതാക്കളെയും എല്ലാ എംഎൽഎമാരെയും അറസ്റ്റ് ചെയ്യാം. പക്ഷേ ഞങ്ങൾ ഞങ്ങളുടെ പോരാട്ടം അവസാനിപ്പിക്കില്ല," അതിഷി വ്യക്തമാക്കി.
സത്യേന്ദർ ജെയിൻ, മനീഷ് സിസോദിയ, സഞ്ജയ് സിംഗ്, മുഖ്യമന്ത്രി അരവിന്ദ് കെജ്രിവാൾ എന്നിവരെ അറസ്റ്റ് ചെയ്തതിന് പിന്നാലെ എഎപിയിലെ നാല് നേതാക്കളെ കൂടി അറസ്റ്റ് ചെയ്യാൻ ബിജെപി ഗൂഢാലോചന നടത്തുകയാണെന്ന് ഡൽഹി മന്ത്രിയും ആം ആദ്മി പാർട്ടി നേതാവുമായ അതിഷി ചൊവ്വാഴ്ച ആരോപിച്ചു.
അതിനാൽ പാർട്ടിയിലെ ബാക്കിയുള്ള നാല് മുതിർന്ന നേതാക്കളെ അറസ്റ്റ് ചെയ്യാൻ ഗൂഢാലോചന നടത്തുകയാണ്. താമസിയാതെ എൻ്റെ സ്വകാര്യ വസതിയിലും ബന്ധുക്കളുടെ സ്ഥലത്തും ഇ.ഡി റെയ്ഡ് നടത്തുമെന്നും അതിനുശേഷം ഞങ്ങൾ നാല് പേർക്ക് സമൻസ് അയച്ച് അറസ്റ്റ് ചെയ്യുമെന്നും എന്നോട് പറഞ്ഞിട്ടുണ്ട്," അതിഷി പറഞ്ഞു.
Post a Comment