ദുബായ് മഴക്കെടുതിയിൽ നിങ്ങളുടെ കാറിൻ്റെ നമ്പർ പ്ലേറ്റുകൾ നഷ്ടപ്പെട്ടോ? പരിഹാരവുമായി ​ഗതാ​ഗത അതോറിറ്റി

(www.kl14onlinenews.com)

(21-APR-2024)

ദുബായ് മഴക്കെടുതിയിൽ നിങ്ങളുടെ കാറിൻ്റെ നമ്പർ പ്ലേറ്റുകൾ നഷ്ടപ്പെട്ടോ? പരിഹാരവുമായി ​ഗതാ​ഗത അതോറിറ്റി

ഏപ്രിൽ 16 ന് ദുബായിയിലുണ്ടായ കനത്ത മഴയും പ്രളയവും വിവിധ മേഖലകളിൽ വലിയ നാശ നഷ്ടങ്ങളാണ് വരുത്തിവെച്ചത്. പാ‍ർക്ക് ചെയ്ത വാഹനങ്ങൾക്ക് ശക്തമായ മഴയിലും കാറ്റിലും കേടുപാടുകൾ സംഭവിച്ചു. വാഹനങ്ങളുടെ നമ്പ‍ർ പ്ലേറ്റുകൾ ഒഴുകിപ്പോയതാണ് പലരെയും ​ദുരിതത്തിലാക്കിയത്. കണ്ടെത്തുന്ന നമ്പർ പ്ലേറ്റുകൾ ഉടമസ്ഥരിലെത്തിക്കുന്നതിനായി മലയാളികളുടെ നേതൃത്വത്തിൽ സോഷ്യൽ മീഡിയ കാമ്പയിനും ആരംഭിച്ചിരുന്നു.

നിങ്ങൾക്ക് നഷ്ടപ്പെട്ട നമ്പ‍ർ പ്ലേറ്റുകൾ എങ്ങനെ തിരികെ ലഭിക്കുമെന്നതിന് ഇതാ ​ഗതാ​ഗത വകുപ്പ് തന്നെ മാതൃകാ നിർദേശം പുറത്തിറക്കിയിട്ടുണ്ട്.

ഏപ്രിൽ 16 ചൊവ്വാഴ്‌ച രാജ്യത്ത് പെയ്ത കനത്ത മഴയെത്തുടർന്ന് റോഡുകളിൽ വെള്ളക്കെട്ടും വെള്ളപ്പൊക്കവും കാരണം യുഎഇയിലുടനീളമുള്ള നിരവധി വാഹനയാത്രികർക്ക് അവരുടെ വാഹനങ്ങൾക്ക് പ്രശ്നം നേരിടേണ്ടി വന്നു. നിരവധി വാഹനങ്ങൾ വെള്ളത്തിൽ കുടുങ്ങുകയും സാങ്കേതിക തകരാറും കേടുപാടുകൾ സംഭവിക്കുകയും ചെയ്തു.

വാഹനമോടിക്കുന്നവർ ആർടിഎയുടെ വെബ്‌സൈറ്റ് വഴി നഷ്‌ടപ്പെട്ട വാഹനത്തിൻ്റെ പ്ലേറ്റ് നമ്പറിനായി അപേക്ഷിച്ചാൽ മതി. അപേക്ഷിച്ചതിന് ശേഷം, പ്ലേറ്റ് നമ്പർ ലഭിക്കുന്നതിന് അവർ ഇനിപ്പറയുന്ന കേന്ദ്രങ്ങളിലൊന്ന് സന്ദർശിക്കണം:

ഷാമിൽ അൽ ഖുസൈസ്

എജി കാറുകൾ അൽ മംസാർ

അൽ മുമയാസ് അസ്വാഖ് മിസർ

തജ്ദീദ്

തമാം സെൻ്റ‍ർ

അൽ മുതകമേല അൽ ആവിർ

അൽ മുതകമേല അൽ ഖൂസ്

അൽ മുമയാസ് ബർഷ മാൾ

വാസൽ അൽ ജദ്ദാഫ്