അധ്യാപകന്‍റെ കൈവെട്ടിയ കേസിലെ ഒന്നാംപ്രതി 13 വർഷത്തിനുശേഷം പിടിയിൽ

(www.kl14onlinenews.com)

(10-JAN-2024)

അധ്യാപകന്‍റെ കൈവെട്ടിയ കേസിലെ ഒന്നാംപ്രതി 13 വർഷത്തിനുശേഷം പിടിയിൽ

കൊച്ചി: തൊടുപുഴ ന്യൂമാൻ കോളജ് അധ്യാപകൻ പ്രൊഫ. ടി.ജെ. ജോസഫിന്‍റെ കൈവെട്ടിയ കേസിലെ ഒന്നാം പ്രതി 13 വർഷത്തിനുശേഷം പിടിയിൽ. ഒളിവിലായിരുന്ന പ്രതി സവാദാണ് പിടിയിലായത്.

കണ്ണൂരിൽ നിന്ന് ഇയാളെ എൻ.ഐ.എ ആണ് പിടികൂടിയത്. ഇന്ന് വൈകുന്നേരത്തോടെ കൊച്ചിയിലെ കോടതിയിൽ ഹാജരാക്കുമെന്നാണ് കരുതുന്നത്.

2010 ജൂലൈ നാലിനാണ് ടി.ജെ. ജോസഫിന്‍റെ കൈവെട്ടിയത്. 11 പ്രതികളുള്ള കേസിലെ ഒന്നാം പ്രതിയാണ് പോപുലർ ഫ്രണ്ട് മുൻ പ്രവർത്തകനും എറണാകുളം ഓടക്കാലി സ്വദേശിയുമായ സവാദ്. സംഭവം നടന്നതു മുതൽ ഇയാൾ ഒളിവിലായിരുന്നു. കഴിഞ്ഞ വർഷം, സവാദിനെക്കുറിച്ച് വിവരം നൽകുന്നവർക്ക് എൻ.ഐ.എ 10 ലക്ഷം പാരിതോഷികം പ്രഖ്യാപിച്ചിരുന്നു.

തൊടുപുഴ ന്യൂമാൻ കോളജിലെ ചോ​ദ്യ​പേ​പ്പ​ര്‍ വി​വാ​ദ​ത്തെ തു​ട​ര്‍ന്ന് 2010 ജൂ​ലൈ നാ​ലി​നാ​ണ് അ​ധ്യാ​പ​ക​നാ​യി​രു​ന്ന പ്ര​ഫ. ടി.​ജെ. ജോ​സ​ഫി​നെ വാ​നി​ലെ​ത്തി​യ ആ​റം​ഗ സം​ഘം ആ​ക്ര​മി​ച്ച​ത്. . ഭാ​ര്യ​ക്കും സ​ഹോ​ദ​രി​ക്കു​മൊ​പ്പം മൂ​വാ​റ്റു​പു​ഴ നി​ര്‍മ​ല​മാ​താ പ​ള്ളി​യി​ൽ നി​ന്ന് കു​ര്‍ബാ​ന ക​ഴി​ഞ്ഞ് മ​ട​ങ്ങ​വെ​യാ​യി​രു​ന്നു ആ​ക്ര​മ​ണം. ആ​ദ്യ​ഘ​ട്ട വി​ചാ​ര​ണ നേ​രി​ട്ട 37 പേ​രി​ൽ 11 പേ​രെ കോ​ട​തി ശി​ക്ഷി​ക്കു​ക​യും 26 പേ​രെ വെ​റു​തെ വി​ടു​ക​യും ചെ​യ്​​തി​രു​ന്നു.

രണ്ടാം ഘട്ട വി​ചാ​ര​ണ നേ​രി​ട്ട പ്ര​തി​ക​ളിൽ യു.എ.പി.എ ചുമത്തപ്പെട്ട മൂന്നു പേർക്ക് പ്ര​ത്യേ​ക എ​ൻ.​ഐ.​എ കോ​ട​തി ജീവപര്യന്തം ശിക്ഷ വിധിച്ചിരുന്നു. മറ്റു മൂന്നു പ്രതികൾക്ക് മൂന്നു വർഷം വീതം തടവുമാണ് ലഭിച്ചത്. അഞ്ച് പ്രതികളെ വെറുതെ വിടുകയും ചെയ്തിരുന്നു