ബദിയടുക്ക നവജീവന ഹയർ സെക്കണ്ടറി സ്കൂളിൽ 'കലാലയ ജ്യോതി' സംഘടിപ്പിച്ചു

(www.kl14onlinenews.com)

(July -03-2023)

ബദിയടുക്ക നവജീവന ഹയർ സെക്കണ്ടറി സ്കൂളിൽ

'കലാലയ ജ്യോതി' സംഘടിപ്പിച്ചു

ബദിയടുക്ക:

കേരള വനിതാ കമ്മീഷന്റെ ആഭിമുഖ്യത്തിൽ സംസ്ഥാനത്തെ വിദ്യാലയങ്ങളിൽ നടന്നു വരുന്ന 'കലാലയജ്യോതി' എന്ന പരിപാടിയുടെ ഭാഗമായി ബദിയടുക്ക നവജീവന ഹയർ സെക്കണ്ടറി സ്കൂളിൽ 'ഉണർവ്വ്' - എന്ന പേരിൽ സൈബർ ബോധവൽക്കരണ ക്ലാസ്സ്‌ നടത്തി.

സംസ്ഥാന വനിതാ കമ്മീഷൻ അംഗം അഡ്വ.പി.കുഞ്ഞായിഷ പരിപാടി ഉദ്ഘാടനം ചെയ്തു.

സ്കൂൾ പി ടി എ പ്രസിഡണ്ട് ഷാഫി ചൂരിപ്പള്ളം അധ്യക്ഷത വഹിച്ചു. ഹെഡ്മിസ്ട്രെസ് പി മിനി. സ്വാഗതവും സി. പി. ഓ. വിജയൻ നന്ദിയും പറഞ്ഞു.

കാസറഗോഡ് സൈബർ സെൽ എസ് ഐ, പി രവീന്ദ്രൻ ക്ലാസ്സെടുത്തു.

സ്കൂൾ എസ്. പി. സിയുമായി സഹകരിച്ചാണ് പരിപാടി നടത്തിയത്.