(www.kl14onlinenews.com)
(Jun-19-2023)
വ്യാജ ഡിഗ്രി വിവാദത്തിൽ എസ്എഫ്ഐ നേതാവ് നിഖിൽ തോമസിനെ സസ്പെൻഡ് ചെയ്തു. നിഖിലിനെതിരെ നിയമനടപടി സ്വീകരിക്കുമെന്ന് പ്രിൻസിപ്പാൾ വ്യക്തമാക്കി. അന്വേഷണത്തിന് ആറംഗ സമിതിയെ നിയോഗിച്ചു. രണ്ട് ദിവസത്തിനകം റിപ്പോർട്ട് നൽകാൻ സമിതിക്ക് നിർദ്ദേശം നൽകി. പോലീസിൽ പരാതി നൽകാനുള്ള ഒരുക്കത്തിലാണ് എംഎസ്എം കോളേജ്. കലിംഗ സർട്ടിഫിക്കറ്റ് ആദ്യം ഹാജരാക്കിയത് സർവകലാശാലയിലാണ്.
നിഖില് തോമസ് ഇപ്പോള് കായംകുളം എംഎസ്എം കോളേജിലെ രണ്ടാം വര്ഷ എം കോം വിദ്യാര്ഥിയാണ്. ഇതേ കോളേജില് തന്നെയാണ് 2017-20 കാലഘട്ടത്തില് ബികോം ചെയ്തതെന്നാണ് രേഖകൾ വ്യക്തമാക്കുന്നത്. പക്ഷേ നിഖില് ഡിഗ്രിക്ക് തോറ്റുപോയിരുന്നു. പക്ഷെ ഒരു വര്ഷത്തെ ഇടവേളക്ക് ശേഷം നിഖില് ഇവിടെ തന്നെ എം കോമിന് ചേര്ന്നു. അഡ്മിഷനായി ഹാജരാക്കിയത് കലിംഗ സര്വകലാശാലയുടെ ബിരുദ സര്ട്ടിഫിക്കറ്റായിരുന്നു.
2019 മുതല് കലിംഗയില് പഠിച്ചെന്നാണ് നിഖിലിന്റെ വാദം. ഇതോടെയാണ് എംഎസ്എം കോളേജില് നിഖിലിന്റെ ജുനിയർ വിദ്യാര്ഥിനി കൂടിയായ ജില്ലാ കമ്മിറ്റി അംഗം ഡിഗ്രി വ്യാജമെന്ന് ആരോപിച്ച് പാർട്ടിക്ക് പരാതി നൽകിയത്.
സംഭവത്തില് 2019ല് താന് കേരളയിലെ രജിസ്ട്രേഷന് ക്യാന്സൽ ചെയ്തിരുന്നു എന്നായിരുന്നു നിഖിലിന്റെ ആദ്യ ന്യായീകരണം. എന്നാൽ പിന്നീട് ഈ വാദം പൊളിഞ്ഞു. 2019ൽ നിഖില് യൂണിവേഴ്സിറ്റി യൂണിയന് കൗണ്സിലറും 2020ല് സര്വകലാശാല യൂണിയന് ജോയിന്റ് സെക്രട്ടറിയുമായിരുന്നു
Post a Comment