(www.kl14onlinenews.com)
(June-22-2023)
ഉദ്ഘാടന പരിപാടിക്കിടെ അശ്ലീലവാക്കുകള് ഉപയോഗിച്ചെന്ന് പരാതി; 'തൊപ്പി'ക്കെതിരെ കേസ്
മലപ്പുറം: മലപ്പുറം വളാഞ്ചേരിയിലെ കട ഉദ്ഘാടന പരിപാടിയുമായി ബന്ധപ്പെട്ട് ‘തൊപ്പി’എന്ന പേരിലറിയപ്പെടുന്ന യൂട്യൂബര്ക്കെതിരെ കേസ്. ഗതാഗതം തടസം, അശ്ലീലപദ പ്രയോഗം നടത്തി എന്നീ കുറ്റങ്ങള് ചുമത്തിയാണ് കേസ്. ‘തൊപ്പി’ ഉദ്ഘാടനം ചെയ്ത കടയുടെ ഉടമക്കെതിരെയും പൊലീസ് കേസെടുത്തിട്ടുണ്ട്.
വളാഞ്ചേരിയില് നടന്ന കട ഉദ്ഘാടനവും ഇതില് പങ്കെടുത്ത യൂട്യൂബറുടെ പാട്ടും സാമൂഹിക മാധ്യമങ്ങളില് ചര്ച്ചയായിരുന്നു. വിദ്യാര്ഥികള് ഉള്പ്പെടെ നൂറു കണക്കിന് കൗമാരക്കാരാണ് പരിപാടിക്ക് തടിച്ചു കൂടിയിരുന്നത്. യൂട്യൂബര്ക്കെതിരെ വളാഞ്ചേരി സ്വദേശിയാണ് പൊലീസിനെ സമീപിച്ചത്. ഈ മാസം 17 നായിരുന്നു വിവാദമായ പരിപാടി. കണ്ണൂര് സ്വദേശിയായ ഇയാള് യൂട്യൂബിലും ഇന്സ്റ്റഗ്രാമിലും താരമാണ്. ഇയാളുടെ റീലുകള് വൈറലാണ്. ‘mrz thoppi’ എന്ന യൂട്യൂബ് ചാനലിന് 6.96 ലക്ഷം സബ്സ്ക്രൈബര്മാരാണ് ഉള്ളത്.
ഗെയിമിങ് പ്ലാറ്റ് ഫോമുകളിലൂടെ ശ്രദ്ധനേടിയ ആളാണ് തൊപ്പി. വിജയ് ബാബു നിർമ്മിക്കുന്ന പുതിയ ചിത്രത്തിലാണ് തൊപ്പി ഭാഗമാകുന്നത്. കണ്ണൂര് ശൈലിയിലുള്ള സംസാരത്തിലൂടെ ഫാന്സിനെ സൃഷ്ടിച്ച തൊപ്പി, അശ്ലീല സംഭാഷണത്തിന്റെയും മറ്റും പേരില് വിമര്ശനവും നേരിടുന്നുണ്ട്.
Post a Comment