(www.kl14onlinenews.com)
(22-Mar-2023)
തൃക്കാക്കരയില് എംഡിഎംഎയുമായി പിടികൂടിയ നാടക നടിയെന്നു അവകാശപ്പെടുന്ന കഴക്കൂട്ടം സ്വദേശിനി അഞ്ജു കൃഷ്ണയെ പോലീസ് വിശദമായി ചോദ്യം ചെയ്യുന്നു. യുവതിയില് നിന്നും കൂടുതല് കാര്യങ്ങള് അറിയാനുണ്ടെന്ന നിഗമനത്തിലാണ് പോലീസ്. യുവതിയോടൊപ്പം താമസിച്ചിരുന്ന കാസര്കോട് സ്വദേശി ഷമീര് പോലീസിനെ കണ്ട് ഓടി രക്ഷപ്പെട്ടിട്ടുണ്ട്. ഇയാളെ പോലീസ് തിരയുകയാണ്. 56 ഗ്രാം എംഡിഎംഎയുമായാണ് അഞ്ജു പിടിയിലായത്.
സ്റ്റേജ് ആര്ട്ടിസ്റ്റ് ആണെന്നാണ് അഞ്ജു പറയുന്നെങ്കിലും പോലീസ് ഇത് മുഖവിലയ്ക്ക് എടുത്തിട്ടില്ല. ലിവിംഗ് ടുഗതര് ജീവിതമാണ് ഒപ്പമുണ്ടായിരുന്ന ഷമീറിനൊപ്പം അഞ്ജു നയിച്ചത്. ഷമീറിന്റെയും അഞ്ജുവിന്റെയും പൊതുസുഹൃത്ത് വഴിയാണ് ഇരുവരും അടുത്തത്. അതോടെ ഒന്നിച്ച് ജീവിതവും തുടങ്ങി. അഞ്ജുവും ഭര്ത്താവും ഒരുമിച്ച് താമസിച്ചതാണ്. അതിന്നിടയില് ഭര്ത്താവ് വേറൊരു പെണ്ണിന് ഒപ്പം പോയെന്നാണ് അഞ്ജു പോലീസിനോടൊപ്പം പറഞ്ഞത്. ഇതോടെ അഞ്ജു ഒറ്റയ്ക്കായി. ഇതിന്നിടയിലാണ് അഞ്ജു ഷമീറുമായി അടുക്കുന്നത്.
ഇവരുടെ ലഹരി ബിസിനസിനെക്കുറിച്ച് വ്യക്തമല്ല എന്നാണ് പോലീസ് ഇന്ത്യാ ടുഡേയോട് പറഞ്ഞത്. കൂടുതല് ചോദ്യം ചെയ്യേണ്ടതുണ്ട്. ഷമീറിനെയും കൂടി പിടികിട്ടിയാലെ കൂടുതല് കാര്യങ്ങള് അറിയുകയുള്ളൂ-പോലീസ് പറയുന്നു. ദമ്പതികളെന്ന വ്യാജേന വീട് വാടകയ്ക്കെടുത്തായിരുന്നു ഇവരുടെ തൃക്കാക്കരയില് ഇവരുടെ ലഹരിവില്പന.
സിറ്റി പൊലീസ് കമ്മിഷണറുടെ കീഴിലുള്ള യോദ്ധാവ് സ്ക്വാഡ് അംഗങ്ങളുടെ പരിശോധനയിലാണ് യുവതി പിടിയിലായത്. ഉണിച്ചിറ തോപ്പില് ജംഗ്ഷനിലെ കെട്ടിടത്തില് പരിശോധനയ്ക്കെത്തിയതായിരുന്നു പോലീസ് സംഘം. ഈ കെട്ടിടത്തിലെ മൂന്നാം നിലയിലാണ് പിടിയിലായ അഞ്ജുവും സുഹൃത്ത് ഷമീറും താമസിച്ചിരുന്നത്. പോലീസിനെ കണ്ടതോടെ ഷമീര് മതി ചാടി രക്ഷപ്പെട്ടു. സംശയം തോന്നിയ പൊലീസ് വീട് പരിശോധിച്ചപ്പോഴാണ് എംഡിഎംഎ കണ്ടെടുത്തത്. ഇതോടെ അഞ്ജുവും കുടുങ്ങി. ഇപ്പോള് അഞ്ജു ചോദ്യം ചെയ്യലിന് വിധേയമാവുകയാണ്.
Post a Comment