ഈ സഹായത്തിനു നന്ദി; ഇന്ത്യൻ സൈനിക ഉദ്യോഗസ്ഥയെ ചേർത്തുപിടിച്ച് ഉമ്മവെച്ച് തുർക്കി വനിത

(www.kl14onlinenews.com)

(10-FEB-2023)

ഈ സഹായത്തിനു നന്ദി; ഇന്ത്യൻ സൈനിക ഉദ്യോഗസ്ഥയെ ചേർത്തുപിടിച്ച് ഉമ്മവെച്ച് തുർക്കി വനിത

ഇസ്തംബൂൾ: ഭൂകമ്പം നാശം വിതച്ച തുർക്കിയിൽ രക്ഷാപ്രവർത്തനത്തിനെത്തിയ ഇന്ത്യൻ ആർമിയിലെ സൈനിക ഉദ്യോഗസ്ഥയെ ചേർത്തുപിടിച്ച് ചുംബിക്കുന്ന ചിത്രം സമൂഹ മാധ്യമങ്ങളിൽ തരംഗമായിരിക്കുകയാണ്. ഇന്ത്യൻ ആർമിയുടെ അഡീഷനൽ ഡയറക്ടറേറ്റ് ജനറൽ ഓഫ് പബ്ലിക് ഇൻഫർമേഷന്റെ ഔദ്യോഗിക ട്വിറ്റർ പേജിലാണ് 'വി കെയർ' എന്ന അടിക്കുറിപ്പോടെ ചിത്രം പങ്കുവെച്ചത്.

ഭൂകമ്പത്തിൽ തകർന്ന തുർക്കിയെയും സിറിയയെയും സഹായിക്കാൻ ഇന്ത്യ ഓപറേഷൻ ദോസ്ത് എന്ന പദ്ധതി ആരംഭിച്ചിരുന്നു. പദ്ധതിയുടെ ഭാഗമായി ഇരു രാജ്യങ്ങളിലേക്കും രക്ഷാപ്രവർത്തന സംഘങ്ങളെയും മെഡിക്കൽ ടീമുകളെയും അയച്ചിട്ടുണ്ട്.

രക്ഷാപ്രവർത്തന സാമഗ്രികളും ദുരിതാശ്വാസ പ്രവർത്തനത്തിനുള്ള കിറ്റുകളുമടക്കം വഹിക്കുന്ന ആറ് വിമാനങ്ങളാണ് ഇരുരാജ്യങ്ങളിലേക്ക് ഇന്ത്യ അയച്ചത്.