പത്താം ക്ലാസ്സുകാരി നാല് മാസം ഗര്‍ഭിണി, കണ്ടെത്തിയത് കടുത്ത വയറുവേദനക്ക് ചികിത്സ തേടിയപ്പോള്‍; പ്ലസ് വണ്‍ വിദ്യാര്‍ഥിക്കെതിരെ കേസ്

(www.kl14onlinenews.com)
(01-FEB-2023)

പത്താം ക്ലാസ്സുകാരി നാല് മാസം ഗര്‍ഭിണി, കണ്ടെത്തിയത് കടുത്ത വയറുവേദനക്ക് ചികിത്സ തേടിയപ്പോള്‍; പ്ലസ് വണ്‍ വിദ്യാര്‍ഥിക്കെതിരെ കേസ്
കാസർകോട് :
പത്താം ക്ലാസ്സ് വിദ്യാര്‍ഥിനിയെ പീഡിപ്പിച്ച് ഗര്‍ഭിണിയാക്കിയ സംഭവത്തില്‍ പ്ലസ് വണ്‍ വിദ്യാര്‍ഥിക്കെതിരെ കേസ്. കാസര്‍കോട് ബേഡകം സ്വദേശിക്കെതിരെയാണ് പോക്‌സോ വകുപ്പുകള്‍ ചുമത്തി കേസെടുത്തത്. കഴിഞ്ഞ കുറച്ചുനാളുകളായി പെണ്‍കുട്ടിക്ക് കടുത്ത വയറുവേദന അനുഭവപ്പെട്ടിരുന്നു. തുടര്‍ന്ന് വീട്ടുകാര്‍ പെണ്‍കുട്ടിയെ ആശുപത്രിയിലെത്തിച്ചു. ഇവിടെ നടത്തിയ പരിശോധനയിലാണ് പെണ്‍കുട്ടി നാല് മാസം ഗര്‍ഭിണിയാണെന്ന് അറിയുന്നത്.

തുടര്‍ന്ന് പെണ്‍കുട്ടിയോട് ഇക്കാര്യം ചോദിച്ചപ്പോഴാണ് ലൈംഗിക പീഡനം സംബന്ധിച്ച വിവരം പുറത്തുവരുന്നത്. ഉടന്‍ തന്നെ കുടുംബം ബേഡകം പൊലീസില്‍ പരാതി നല്‍കി. പിന്നാലെ പൊലീസ് ഉദ്യോഗസ്ഥരെത്തി കുട്ടിയുടെ മൊഴിയെടുത്തു. പെണ്‍കുട്ടി പഠിക്കുന്ന അതേ സ്‌കൂളിലെ പ്ലസ് വണ്‍ വിദ്യാര്‍ത്ഥി തന്നെ പ്രലോഭിപ്പിച്ച് പീഡിപ്പിച്ചെന്നാണ് മൊഴി. മുമ്പും വയറുവേദന അനുഭവപ്പെട്ടിരുന്നുവെങ്കിലും ഇത് കാര്യമാക്കിയിരുന്നില്ല. എന്നാല്‍ കഴിഞ്ഞ ദിവസം വേദന കലശലായതോടെ വീട്ടില്‍ പറയുകയായിരുന്നു. തുടര്‍ന്നാണ് ആശുപത്രിയിലെത്തിച്ചത്.

Post a Comment

Previous Post Next Post