അനൂപിന് സഹായാഭ്യർത്ഥനകൾ എത്തിത്തുടങ്ങി: വാടസ്ആപ്പിലൂടെ വീഡിയോ അയച്ചും സഹായാഭ്യർത്ഥന

(www.kl14onlinenews.com)

(20-Sep -2022)

അനൂപിന് സഹായാഭ്യർത്ഥനകൾ എത്തിത്തുടങ്ങി: വാടസ്ആപ്പിലൂടെ വീഡിയോ അയച്ചും സഹായാഭ്യർത്ഥന

തിരുവനന്തപുരം :

സംസ്ഥാന സര്‍ക്കാറിൻ്റെ തിരുവോണം ബംപറായ ബിആര്‍ 87 ലോട്ടറി നറുക്കെടുപ്പിലെ തിരുവനന്തപുരം ശ്രീവരാഹം സ്വദേശി അനൂപാണ് 25 കോടി സ്വന്തമാക്കി ചരിത്രത്തിലിടം നേടിയത്. പഴവങ്ങാടിയിലെ ഭഗവതി ലോട്ടറി ഏജന്‍സിയില്‍നിന്ന് എടുത്ത TJ 750605 നമ്പറിനാണ് ലോട്ടറി അടിച്ചത്. കഴിഞ്ഞ ദിവസം ഭാഗ്യക്കുറി ഡയറക്ടറേറ്റിൽ എത്തി അനൂപ് ടിക്കറ്റ് കെെമാറി. ഭാഗ്യക്കുറി വകുപ്പ് ഡയറക്ടർ എബ്രഹാം റെന്നിനാണ് അനൂപ് ടിക്കറ്റ് കെെമാറിയത്. നടപടിക്രമങ്ങളെല്ലാം കഴിഞ്ഞ് സമ്മാനത്തുക ഇനി അനൂപിൻ്റെ അക്കൗണ്ടിൽ എത്തും.

അനൂപിന് ഒന്നാം സമ്മാനം ലഭിച്ച വിവരമറിഞ്ഞ് സഹായാഭ്യർത്ഥനകളും അദ്ദേഹത്തെ തേടി എത്തിത്തുടങ്ങി. ഓണം ബംപർ സമ്മാനത്തുകയായി 25​ ​കോ​ടി​ ​ലഭിച്ചെന്ന് ​അ​റി​ഞ്ഞ​തോ​ടെ​ കഴിഞ്ഞ ദിവസം ​സ​ഹാ​യ​മ​ഭ്യ​ർ​ത്ഥി​ച്ച് ​നി​ര​വ​ധി​പ്പേ​ർ​ തൻ്റെ വീട്ടിൽ എത്തിയെന്ന് അനൂപ് പറഞ്ഞു. പല ആവശ്യങ്ങളായാണ് അവർ എത്തിയത്. പലർക്കും വീടുവച്ചു നൽകണമെന്ന ആവശ്യമാണ് ഉന്നയിച്ചത്. ചിലർക്ക് ഭ​ക്ഷ​ണ​ത്തി​നും​ ​മ​രു​ന്നി​നും​ ​പ​ണം​ ​വേണമെന്ന ആവശ്യവുമുണ്ടായിരുന്നു. വീട്ടിൽ നേരിട്ടെത്തി മാത്രമല്ല, ​ഫോ​ണി​ലൂ​ടെ​യും​ ​സ​ഹാ​യ​മ​ഭ്യ​ർ​ത്ഥി​ച്ച് ​വി​ളി​ക്കു​ന്നു​ണ്ടശന്നും അനൂപ് വ്യക്തമാക്കി.

ഇതിനിടെ നിരവധി വാട്സ് ആപ്പ് സഹായാഭ്യർത്ഥനകളും അനൂപിനെ തേടിയെത്തുന്നുണ്ട്. ​ത​ങ്ങ​ളു​ടെ​ ​ക​ഷ്ട​സ്ഥി​തി​ ​വെ​ളി​വാ​ക്കു​ന്ന​ ​വീ​ഡി​യോ​ ​ഉ​ൾ​പ്പെ​ടെ​ ​വാ​ട്സ് ​ആ​പ്പി​ലൂ​ടെ അയച്ചുകൊടുത്തുകൊണ്ടാണ് പലരും സഹായാഭ്യർത്ഥന നടത്തുന്നത്. തന്നോട് നേരിട്ടും അല്ലാതേയും സഹായാഭ്യർത്ഥന നടത്തുന്നവരോ് ഒരു കാര്യമാണ് അനൂപ് പൊതുീവായി പറയുന്നത്. തനിക്ക് കുറച്ചു സമയം വേണമെന്നും അതുകഴിഞ്ഞ് കാര്യങ്ങൾ തീരുമാനിക്കാമെന്നുമാണ് അനൂപ് അവർക്ക് നൽകുന്ന വാക്ക്.

കഴിഞ്ഞ ദിവസം ​അ​നൂ​പ് ​ലോ​ട്ട​റി​ ​ഡ​യ​റ​ക്ട​റേ​റ്റി​ലെ​ത്തി​ ​ടി​ക്ക​റ്റ് ​കൈ​മാ​റിയിരുന്നു. ലോട്ടറി പണം എങ്ങനെ ഉ​പ​യോ​ഗി​ക്ക​ണ​മെ​ന്ന് ​പ​രി​ശീ​ല​നം​ ​വേ​ണമെന്നും അദ്ദേഹം ആവശ്യപ്പെട്ടു. കോ​ടി​ക​ൾ​ ​സ​മ്മാ​ന​മ​ടി​ക്കു​ന്ന​വ​ർ​ക്ക് ​പ​ണം​ ​ഫ​ല​പ്ര​ദ​മാ​യി​ ​വി​നി​യോ​ഗി​ക്കാ​നും​ ​സു​ര​ക്ഷി​ത​മാ​യി​ ​സൂ​ക്ഷി​ക്കാ​നു​മു​ള്ള​ ​പ​രി​ശീ​ല​നം​ ​സ​ർ​ക്കാ​ർ​ ​ന​ൽ​കു​മെ​ന്ന​ വാർത്തകൾ നേരത്തേ എത്തിയിരുന്നു. അതിനുള്ള ന​ട​പ​ടി​ക​ൾ​ ​അ​ന്തി​മ​ഘ​ട്ട​ത്തി​ലാ​ണെന്നും ​തീ​യ​തി​ ​ഉ​ട​ൻ​ ​പ്ര​ഖ്യാ​പി​ക്കു​മെ​ന്നും ​ഡ​യ​റ​ക്ട​ർ​ ​അനൂപിനെ അറിയിച്ചു.

കഴിഞ്ഞ ദിവസം ഉച്ചയോടെ ക​ന​റാ​ ​ബാ​ങ്ക് ​മ​ണ​ക്കാ​ട് ​ശാ​ഖ​യി​ലെ​ ​അ​ക്കൗ​ണ്ട് ​വി​വ​ര​ങ്ങ​ളും​ ​ആ​ധാ​റും​ ​തി​രി​ച്ച​റി​യ​ൽ​ ​കാ​ർ​ഡും​ ​പേ​രെ​ഴു​തി​ ​ഒ​പ്പി​ട്ട​ ​ലോ​ട്ട​റി​ ​ടി​ക്ക​റ്റും​ ​മ​റ്റ് ​രേ​ഖ​ക​ളു​മാ​യി​ ​ബാ​ങ്ക് ​പ്ര​തി​നി​ധി​ക്കൊ​പ്പമാണ് അ​നൂ​പ് ​ഡ​യ​റ​ക്ട​റേ​റ്റി​ലെ​ത്തി​യ​ത്.​ ​ലോ​ട്ട​റി​ ​ടി​ക്ക​റ്റു​മാ​യി​ ​അ​നൂ​പ് ​എ​ത്തു​മെ​ന്ന​ ​വി​വ​ര​മ​റി​ഞ്ഞ് ​ഓ​ഫീ​സി​ൽ​ ​എ​ല്ലാം​ ​സ​ജ്ജ​മാ​യി​രു​ന്നു.​ അനൂപ് രാവിലെ എത്തുമെന്നാണ് പ്രതീക്ഷിച്ചിരുന്നത്. ​എ​ത്തി​യാ​ൽ​ ​രേ​ഖ​ക​ളു​ടെ​ ​പ​രി​ശോ​ധ​ന​ ​ക​ഴി​ഞ്ഞ് ​വൈ​കി​ട്ടോ​ടെ​ ​സ​മ്മാ​ന​ത്തു​ക​ ​ബാ​ങ്ക് ​അ​ക്കൗ​ണ്ടി​ലേ​ക്ക് ​കൈ​മാ​റാ​നും ഉദ്യോഗസ്ഥർ തീരുമാനിച്ചിരുന്നു. എന്നാൽ അനൂപ് എത്തിയത് ഉച്ചയ്ക്കായിരുന്നു. അതുകൊണ്ട് പണം ഇന്ന് കെെമാറുമെന്നും ലോട്ടറി ഡയറക്ടറേറ്റ് അറിയിച്ചു.

മലേഷ്യയിൽ പോകാനിരിക്കവേയാണ് അനൂപിനെ ലോട്ടറി ഭാഗ്യം തേടിയെത്തിയത്. ലോട്ടറി ടിക്കറ്റ് എടുക്കുവാൻ കാശ് തികയാതെ വന്നപ്പോൾ മകൻ്റെ കാശ് കുടുക്ക പൊട്ടിച്ചെടുത്ത 50 രൂപയും കൂടി ചേർത്താണ് അനൂപ് ഭാഗ്യം പരീക്ഷിച്ചത്. ആ പരീക്ഷണം വൻ വിജയമായി. ആറുമാസം ഗർഭിണിയായ ഭാര്യഉൾപ്പെടെയുള്ള കുടുംബത്തിന് അമ്പരപ്പിൻ്റെ ദിവസമായിരുന്നു ഇന്നലെ. ആറ്റിങ്ങൽ ഭഗവതി ഏജൻസിയുടെ പഴവങ്ങാടി ശാഖയിൽ നിന്നെടുത്ത ടിക്കറ്റിലാണ് ഒന്നാം സമ്മാനം തേടിയെത്തിയത്. ടിക്കറ്റ് എടുത്തത് നറുക്കെടുപ്പിന്റെ തലേദിവസം രാത്രി 7.30നും. അവസാന നിമിഷം ടിക്കറ്റ് എടുത്തിട്ടും അനൂപിനെ ഭാഗ്യദേവത കെെവിട്ടില്ല.

30 വയസ്സുള്ള അനൂപ് ഓട്ടോ ഡ്രൈവറാണ്. വീട്ടില്‍ ഭാര്യയും കുട്ടിയും അമ്മയുമാണുള്ളത്. ഇന്നലെ രാത്രിയാണ് പഴവങ്ങാടിയിലെ ഭഗവതി ലോട്ടറി ഏജന്‍സിയില്‍നിന്ന് ടിക്കറ്റ് എടുത്തത്. അനൂപിൻ്റെ പിതൃസഹോദരിയുടെ മകള്‍ സുജയയുടെ കെെയിൽ നിന്നുമാണ് അനൂപ് ടിക്കറ്റ് എടുത്തത്. ഒന്നാം സമ്മാനം നേടുന്ന വ്യക്തിക്ക് നികുതികള്‍ കഴിച്ച് കെെയിൽ കിട്ടുക 15.75 കോടിയാണ്. അഞ്ചുകോടി രൂപയാണ് രണ്ടാംസമ്മാനം. മൂന്നാംസമ്മാനം ഒരു കോടി രൂപ വീതം പത്തുപേര്‍ക്ക്. 90 പേര്‍ക്ക് നാലാംസമ്മാനമായി ഒരുലക്ഷം രൂപ വീതവും ലഭിച്ചു. ആകെ 126 കോടി രൂപയാണ് ഇത്തവണ സമ്മാനമായി നല്‍കുന്നത്