(www.kl14onlinenews.com)
(26-Aug -2022)
കൊച്ചിയില്‍ വീണ്ടും എടിഎം തട്ടിപ്പ്; സിസിടിവി ദൃശ്യങ്ങള്‍ പുറത്ത്
കൊച്ചി :
കൊച്ചിയില്‍ വീണ്ടും വന്‍ എടിഎം തട്ടിപ്പ്. മെഷീനില്‍ കൃത്രിമം നടത്തിയാണ് വ്യാപകമായി പണം തട്ടിയത്. തൃപ്പൂണിത്തുറ, തിരുവാങ്കുളം, വൈറ്റില, കടവന്ത്ര, ഇടപ്പള്ളി, ബാനര്‍ജി എന്നിവിടങ്ങളിലെ വിവിധ ബാങ്കുകളുടെ എടിഎമ്മില്‍ നിന്ന് പണം നഷ്ട്ടമായെന്നാണ് പരാതി. ഉത്തരേന്ത്യന്‍ സംഘമാണ് കവര്‍ച്ചയ്ക്ക് പിന്നിലെന്നാണ് സൂചന.
എടിഎം മെഷീനില്‍ പ്രത്യേക ഉപകരണം ഘടിപ്പിച്ച് പണം പുറത്തേക്ക് വരുന്നത് തടയുന്നതാണ് രീതി. ഇടപാടുകാര്‍ തങ്ങള്‍ പിന്‍വലിച്ച പണം കിട്ടാതെ മടങ്ങുമ്പോള്‍ ഈ ഉപകരണം മാറ്റി സംഘം പണം കൈക്കലാക്കും. ഇത് വ്യക്തമാക്കുന്ന സിസിടിവി ദൃശ്യങ്ങള്‍ പുറത്തുവന്നു. കളമശ്ശേരി പ്രീമിയര്‍ കവലയിലെ തട്ടിപ്പിന്റെ ദൃശ്യങ്ങളാണ് പുറത്തു വന്നത്. ഇതില്‍ മോഷ്ടാവിന്റെ മുഖം വ്യക്തമാണ്. കഴിഞ്ഞ 18, 19 തീയതികളിലായി ഈ എ ടി.എമ്മില്‍ നിന്നും ഏഴുപേര്‍ക്കായി 25,000 രൂപ നഷ്ടമായതായാണ് ബാങ്ക് പരാതി നല്‍കിയത്. എടിഎമ്മുകളിലെ സിസിടിവി ദൃശ്യങ്ങള്‍ കേന്ദ്രീകരിച്ച് കളമശ്ശേരി പോലീസ് കേസെടുത്ത് അന്വേഷണം തുടങ്ങി.
Post a Comment