ചീമേനി വിഷ്ണുമൂര്‍ത്തി ക്ഷേത്ര കളിയാട്ട മഹോത്സവം വ്യാഴാഴ്ച തുടങ്ങും

(www.kl14onlinenews.com)

(04-May -2022)

ചീമേനി വിഷ്ണുമൂര്‍ത്തി ക്ഷേത്ര കളിയാട്ട മഹോത്സവം വ്യാഴാഴ്ച തുടങ്ങും

ചെറുവത്തൂര്‍: രണ്ടുവര്‍ഷത്തെ ഇടവേളക്ക് ശേഷം ചീമേനി വിഷ്ണുമൂര്‍ത്തി ക്ഷേത്ര കളിയാട്ട മഹോത്സവം മെയ് അഞ്ചുമുതല്‍ 15 വരെ നടക്കുകയാണ്. പതിനൊന്ന് ദിവസങ്ങളിലായി രണ്ട് ലക്ഷത്തോളം ഭക്തര്‍ ദര്‍ശനത്തിന്ന് എത്തുമെന്ന് ക്ഷേത്ര കമ്മറ്റി അറിയിച്ചു. മെയ് 5 ന് വൈകീട്ട് 4 ന് അയ്യപ്പന്‍ ക്ഷേത്രത്തിന് സമീപത്തുനിന്ന് കലവറ നിറക്കല്‍ ഘോഷയാത്ര ആരംഭിക്കും. രാത്രി 8 മണിക്ക് വിഷ്ണുമൂര്‍ത്തിയുടേയും 10 മണിക്ക് രക്തചാമുണ്ഡിയുടേയും തോറ്റങ്ങള്‍. മറ്റു ദിവസങ്ങളില്‍ രാത്രി തോറ്റങ്ങളും തെയ്യങ്ങളും അരങ്ങിലെത്തും. മെയ് 15ന് മഹോത്സവത്തിന്റെ സമാപനത്തില്‍ പകല്‍ 9 മണിക്ക് രക്തചാമുണ്ഡിയും ഒരുമണിക്ക് നാട്ടുപരദേവതയായ വിഷ്ണുമൂര്‍ത്തിയും ഭക്തര്‍ക്ക് ദര്‍ശന സായൂജ്യമേകും. ഉല്‍സവ ദിനങ്ങളില്‍ കാഞ്ഞങ്ങാടുനിന്നും പയ്യന്നൂരില്‍ നിന്നും കെ.എസ്.ആര്‍.ടി.സി രാത്രി പത്തുവരെ അധിക സര്‍വീസ് നടത്തും. ഉല്‍സവ നാളുകളില്‍ ഉച്ചയ്ക്ക് 12 നും രാത്രി എട്ടിനും അന്നദാനം.

വാര്‍ത്താ സമ്മേളനത്തില്‍ ക്ഷേത്രം പ്രസിഡണ്ട് കെ.മാധവന്‍, കെ.നാണു കുട്ടന്‍, കെ.ഇ.വിനോദ ചന്ദ്രന്‍, കെ.രാഘവന്‍, എ.സതീഷ് കുമാര്‍ തുടങ്ങിയവര്‍ പങ്കെടുത്തു.