(www.kl14onlinenews.com) (25-Apr-2020)
ഖത്തറിൽ 833പേർക്ക് കൂടി കോവിഡ് സ്ഥിരീകരിച്ചു;
ഒമാനിൽ പുതുതായി 115 പേരിൽ കൂടി രോഗം
ദോഹ / മുസ്കറ്റ് :
ഖത്തറില്‍ കോവിഡ് 19 ബാധിതരുടെ എണ്ണം 9,358 എത്തി. 24 മണിക്കൂറിനിടെ 3,817 പേരില്‍ നടത്തിയ പരിശോധനയില്‍ 833 പേര്‍ക്കാണ് രോഗം സ്ഥിരീകരിച്ചത്. അതേസമയം സുഖം പ്രാപിച്ചവരുടെ എണ്ണം 929 ആയി ഉയര്‍ന്നു. 8,419 പേരാണ് ചികിത്സയില്‍ കഴിയുന്നത്. ഇതുവരെ 79,705 പേരിലാണ് കോവിഡ് പരിശോധന നടത്തിയത്.
വിവിധ മേഖലകളില്‍ ജോലി ചെയ്യുന്ന പ്രവാസി തൊഴിലാളികള്‍, ഇന്‍ഡസ്ട്രിയല്‍ ഏരിയയ്ക്ക് പുറത്തുള്ള ഒരു സംഘം തൊഴിലാളികള്‍ എന്നിവരിലാണ് പുതുതായി രോഗം സ്ഥിരീകരിച്ചതെന്ന് പൊതുജനാരോഗ്യ മന്ത്രാലയം വ്യക്തമാക്കി. നേരത്തെ രോഗം സ്ഥിരീകരിച്ചവരുമായി സമ്പര്‍ക്കം പുലര്‍ത്തിയിരുന്നവരാണ് ഇവരെല്ലാം.
വൈറസ് സ്ഥിരീകരിച്ച കുടുംബാംഗങ്ങളുമായി സമ്പര്‍ക്കം പുലര്‍ത്തിയവര്‍, തൊഴിലിടങ്ങള്‍ അല്ലെങ്കില്‍ മറ്റ് സ്ഥലങ്ങളില്‍ നിന്ന് അല്ലെങ്കില്‍ രോഗബാധയുള്ളവരുമായി മറ്റിടങ്ങളില്‍ വെച്ച് ഇടപെട്ടവര്‍ എന്നിവരിലാണ് പുതുതായി രോഗം സ്ഥിരീകരിച്ചത്. ഇവരില്‍ പ്രവാസികളും സ്വദേശികളും ഉള്‍പ്പെടുന്നുണ്ട്.
ഒമാനിൽ 115 പേർക്ക് കൂടി കോവിഡ്
ഒമാനിൽ ഇന്ന് കോവിഡ് സ്ഥിരീകരിച്ചത് 115 പേർക്കാണ്. ഇതോടെ മൊത്തം രോഗബാധിതരുടെ എണ്ണം 1905 ആയി. ഇന്നലെ രാത്രി ഒരാൾ കൂടി മരിച്ചു. 74 കാരനായ സ്വദേശിയാണ് മരിച്ചത്. ഇതോടെ മരിച്ചവരുടെ എണ്ണം പത്തായി. ഇതുവരെ 329 പേർ സുഖം പ്രാപിച്ചു. 1566 പേരാണ് രോഗബാധിതരായി ഉള്ളത്.
Post a Comment