അരങ്ങിന്റെ അതിജീവനത്തിന് പ്രതീകമായി – കണ്ണൻ മാസ്റ്റർക്ക് ആദരവുമായി നടന്മാർ

(www.kl14onlinenews.com)

(21-APR-2025)

അരങ്ങിന്റെ അതിജീവനത്തിന് പ്രതീകമായി – കണ്ണൻ മാസ്റ്റർക്ക് ആദരവുമായി നടന്മാർ

കാഞ്ഞങ്ങാട്:

"അഭിനയ പഴമയ്ക്കൊരു പെരുമ" എന്ന പേരിൽ നടന്നു പോയ മുതിർന്ന നാടക പ്രവർത്തകരുടെ സംഗമത്തിനുശേഷം, അക്കാലഘട്ടത്തെ വെളിച്ചത്തിലേക്കുകൊണ്ടുവരുന്ന മറ്റൊരു മനോഹരമായ ആദരവായിത്തീർന്നു നാടകനാടകത്തിൽ ഒരുകാലത്ത് നിറസാന്നിദ്ധ്യമായിരുന്ന കണ്ണൻ മാസ്റ്ററിന് വേണ്ടി സംഘടിപ്പിച്ച ആദരച്ചടങ്ങ്.

അധ്യാപകനും കലാകാരനുമായിരുന്ന കണ്ണൻ മാസ്റ്റർ വിദ്യാഭ്യാസരംഗത്തും അധ്യാപക സംഘടനാരംഗത്തും ഏറെ സംഭാവനകൾ നൽകിയ വ്യക്തിത്വമായിരുന്നു. പ്രായാധിക്യവും ആരോഗ്യപ്രശ്നങ്ങളും കാരണം ഇപ്പോൾ വീട്ടിലായി കഴിയുന്ന മാസ്റ്ററിന്റെ കലായാത്രയെ അനുസ്മരിപ്പിക്കുന്ന വേളയായിരുന്നു ചടങ്ങ്.

പരിപാടിയിൽ പി.വി.കെ പനയാലിന്റെ "അസിതാഷ്ടമി" എന്ന നാടകം പെരിയ ഗവ. സ്കൂളിന്റെ സിൽവർ ജൂബിലിയുടെ ഭാഗമായി അരങ്ങേറിയതിന്റെ ഓർമ്മകളും, അതിന്റെ സംവിധാനരംഗത്തെ അനുഭവങ്ങളും സംവിധായകൻ വി. ശശി നീലേശ്വരത്തോടൊപ്പം പങ്കുവെച്ചത് മറക്കാനാകാത്ത സന്ദർഭമായി.

ആദ്യകാലങ്ങളിൽ സ്ത്രീവേഷങ്ങളിലൂടെയാണ് കണ്ണൻ മാസ്റ്റർ അരങ്ങിൽ എത്തിയത്. പിന്നീട് വളരെ വേഗത്തിൽ നായകവേഷങ്ങളിൽ എത്തിപ്പെട്ട അദ്ദേഹം, അതിനായി അദ്ദേഹത്തിന്റെ കിടിലൻ സൗന്ദര്യമാണ് സഹായകമായത് എന്നായിരുന്നു സുഹൃത്തുക്കളുടെ അനുസ്മരണം.

മാഷ് ആദ്യമായി അരങ്ങേറിയത് പുല്ലൂർ വണ്ണാർ വയലിലെ മഹാകവി കുട്ടമത്തിന്റെ "ബാലഗോപാലൻ" എന്ന നൃത്ത സംഗീത നാടകത്തിലൂടെയാണ്. ആ അനുഭവങ്ങളുടെ ഓർമകളിൽ നിന്നും അദ്ദേഹം തന്നെ ചില ശ്ലോകങ്ങളും സംഭാഷണങ്ങളും ആലപിച്ചപ്പോൾ സദസ്സ് കൈയടികളോടെയായിരുന്നു പ്രതികരണം.

വിശിഷ്ടാതിഥിയായ വി. ശശി നീലേശ്വരം പൊന്നാട അണിയിച്ച് കണ്ണൻ മാസ്റ്ററിന് ആദരവ് നേർന്നപ്പോൾ, അരങ്ങ് നാടകത്തിന്റെ മഹത്വം നിറഞ്ഞ ഒരു പവിത്രഭാവം ആകുകയായിരുന്നു.

ചടങ്ങിൽ പ്രഭാകരൻ ചാലിങ്കാൽ, രാമകൃഷ്ണൻ വാണിയംപാറ, അനുരാജ് കല്യാൺ റോഡ്, സി.കെ. രവി ചാലിങ്കാൽ, പ്രകാശൻ കുന്നുപാറ, അജയൻ ചാലിങ്കാൽ, ടി. ദാമോദരൻ ചാലിങ്കാൽ എന്നിവർ സന്നിഹിതരായിരുന്നു.