(www.kl14onlinenews.com)
(06-jan-2025)
പി.വി. അൻവർ എംഎൽഎയ്ക്ക് ജാമ്യം; കസ്റ്റഡി അപേക്ഷ കോടതി തള്ളി; ജയിലില് നിന്ന് പുറത്തിറങ്ങി
മലപ്പുറം: വനംവകുപ്പ് ഓഫീസ് ആക്രമിച്ച കേസില് പി വി അന്വര് എംഎല്എയ്ക്ക് ജാമ്യം. നിലമ്പൂര് കോടതിയാണ് ഉപാധികളില്ലാതെ അന്വറിന് ജാമ്യം അനുവദിച്ചത്. കഴിഞ്ഞദിവസം അറസ്റ്റ് ചെയ്ത എംഎല്എയെ റിമാന്ഡ് ചെയ്തിരുന്നു. എംഎല്എയെ കസ്റ്റഡിയില് ചോദ്യംചെയ്യണമെന്ന പ്രോസിക്യൂഷന്റെ ആവശ്യം കോടതി തള്ളി.
അറസ്റ്റ് ചെയ്ത് 24 മണിക്കൂറിനുള്ളില് തന്നെ അൻവറിന് ജാമ്യം ലഭിച്ചത് സര്ക്കാരിനുള്ള തിരിച്ചടിയാണെന്ന് ഡിഎംകെ നേതാക്കള് പ്രതികരിച്ചു. ഉപാധികളില്ലാതെയാണ് കോടതി അന്വറിന് ജാമ്യം അനുവദിച്ചതെന്നും കോടതി ഉത്തരവ് ജയിലിലെത്തിയാലുടന് അന്വറിന് പുറത്തിറങ്ങാനാകുമെന്നും അദ്ദേഹത്തിന്റെ അഭിഭാഷകനും മാധ്യമങ്ങളോട് പ്രതികരിച്ചു
ഞായറാഴ്ച രാത്രിയാണ് അന്വറിനെ പൊലീസ് സംഘം വീട്ടിലെത്തി കസ്റ്റഡിയിലെടുത്തത്. നാടകീയരംഗങ്ങള്ക്കൊടുവിലാണ് വന് പോലീസ് സംഘം എംഎല്എയുടെ വീട്ടിലെത്തി അദ്ദേഹത്തെ കസ്റ്റഡിയിലെടുത്തത്. തന്റെ അറസ്റ്റ് ഭരണകൂട ഭീകരതയാണെന്നായിരുന്നു അന്വറിന്റെ പ്രതികരണം. പിന്നാലെ അന്വറിനെ കോടതിയില് ഹാജരാക്കി റിമാന്ഡ് ചെയ്ത് ജയിലിലടച്ചു
കാട്ടാന ആക്രമണത്തില് ആദിവാസി യുവാവ് കൊല്ലപ്പെട്ട സംഭവത്തില് എംഎല്എയുടെ നേതൃത്വത്തില് കഴിഞ്ഞദിവസം പ്രതിഷേധിച്ചിരുന്നു. ഇതിനിടെ നിലമ്പൂര് നോര്ത്ത് ഡിഎഫ്ഒ ഓഫീസിന്റെ പൂട്ട് തകര്ത്ത് ഉള്ളില് കയറി സാധന സാമഗ്രികള് നശിപ്പിച്ചെന്നാണ് കേസ്
വനംവകുപ്പ് ഓഫീസ് ആക്രമിച്ച സംഭവത്തില് പി വി അന്വര് ഉള്പ്പെടെ 11 പേര്ക്കെതിരേയാണ് ജാമ്യമില്ലാ വകുപ്പുകള്പ്രകാരം പൊലീസ് കേസെടുത്തത്. പൊലീസിന്റെ കൃത്യനിർവഹണം തടസ്സപ്പെടുത്തല്, പൊതുമുതല് നശിപ്പിക്കല് തുടങ്ങിയ വകുപ്പുകളാണ് ചുമത്തിയിരുന്നത്. കേസെടുത്തതിന് പിന്നാലെയാണ് പൊലീസ് സംഘം എംഎല്എയെ വീട്ടിലെത്തി കസ്റ്റഡിയിലെടുത്തത്
പി വി അന്വര് എംഎല്എ ജയിലില് നിന്ന് പുറത്തിറങ്ങി.
നിലമ്പൂര്: നിലമ്പൂര് ഫോറസ്റ്റ് ഓഫീസ് അടിച്ചു തകര്ത്ത കേസില് ജാമ്യം ലഭിച്ച പി വി അന്വര് എംഎല്എ ജയിലില് നിന്ന് പുറത്തിറങ്ങി. ജാമ്യം അനുവദിച്ചുകൊണ്ടുള്ള കോടതി ഉത്തരവ് ഏഴരയോടെ തവനൂര് സബ് ജയിലില് എത്തിച്ചിരുന്നു. ഇതിന് പിന്നാലെയാണ് ജയില്മോചനം സാധ്യമായത്. അന്വറിനെ സ്വീകരിക്കാന് ഡിഎംകെ പ്രവര്ത്തകര് അടക്കം നിരവധി പേരാണ് ജയിലിന് പുറത്ത് കാത്തുനിന്നത്
ഫേറസ്റ്റ് ഓഫീസ് അടിച്ചു തകര്ത്ത കേസില് ഇന്ന് വൈകിട്ടോടെയായിരുന്നു പി വി അന്വര് എംഎല്എയ്ക്ക് ജാമ്യം ലഭിച്ചത്. നിലമ്പൂര് ഫസ്റ്റ് ക്ലാസ് കോടതിയായിരുന്നു ജാമ്യം അനുവദിച്ചത്. അന്പതിനായിരം രൂപയുടെ വീതം രണ്ട് ആള്ജാമ്യം, ഒന്നിടവിട്ട ബുധനാഴ്ചകളില് അന്വേഷണ ഉദ്യോഗസ്ഥന് മുന്നില് ഹാജരാകണം, പൊതുമുതല് നശിപ്പിച്ചതിന് 35,000 രൂപ കെട്ടിവെയ്ക്കണം, ആവശ്യപ്പെട്ടാല് ചോദ്യം ചെയ്യാന് ഹാജരാകണം, സാക്ഷികളെ സ്വാധീനിക്കരുത്, തെളിവ് നശിപ്പിക്കരുത്, സമാന കുറ്റകൃത്യത്തില് പങ്കാളിയാകരുത്, അന്വേഷണവുമായി സഹകരിക്കണം തുടങ്ങിയ വ്യവസ്ഥകളോടെയാണ് അന്വറിന് ജാമ്യം അനുവദിച്ചത്. അന്വറിനെ കസ്റ്റഡിയില് വിട്ടു നല്കണമെന്നാവശ്യപ്പെട്ടുള്ള പൊലീസിന്റെ അപേക്ഷ കോടതി തള്ളിയിരുന്നു. ജാമ്യം ലഭിച്ചതിന് പിന്നാലെ കൂടെ നിന്നവര്ക്ക് ഫേസ്ബുക്കിലൂടെ അന്വര് നന്ദി അറിയിച്ചിരുന്നു.
ഇന്നലെ രാത്രി ഒന്പത് മണിയോടെയാണ് എടവണ്ണ ഒതായിയിലെ വീട്ടിലെത്തി പി വി അന്വര് എംഎല്എയെ പൊലീസ് അറസ്റ്റ് ചെയ്തത്. ഡിവൈഎസ്പിയുടെ നേതൃത്വത്തിലുള്ള വന് പൊലീസ് സന്നാഹം സ്ഥലത്തെത്തിയിരുന്നു. അന്വറിനെ അറസ്റ്റ് ചെയ്യാന് പൊലീസ് എത്തിയ വിവരം അറിഞ്ഞ് ഡിഎംകെ പ്രവര്ത്തകര് അടക്കം വീടിന് മുന്നില് തടിച്ചുകൂടിയിരുന്നു. അറസ്റ്റിന് പിന്നില് ഭരണകൂട ഭീകരതയെന്നായിരുന്നു അന്വറിന്റെ പ്രതികരണം. അന്വറിന്റെ അറസ്റ്റിനെതിരെ കോണ്ഗ്രസ് നേതാക്കള് അടക്കം രംഗത്തെത്തിയിരുന്നു.
നിലമ്പൂരില് കാട്ടനയുടെ ആക്രമണത്തില് യുവാവ് മരിച്ചതുമായി ബന്ധപ്പെട്ട് അന്വറിന്റെ നേതൃത്വത്തിലുള്ള ഡിഎംകെ പാര്ട്ടിയുടെ പ്രവര്ത്തകര് നിലമ്പൂര് ഫോറസ്റ്റ് ഓഫീസ് അടിച്ച് തകര്ത്തിരുന്നു. ഇതുമായി ബന്ധപ്പെട്ട് പി വി അന്വറിനെ ഒന്നാം പ്രതിയാക്കിയാണ് പൊലീസ് കേസ് രജിസ്റ്റര് ചെയ്തത്. ഭാരതീയ ന്യായ സംഹിതയിലെ 121 (ഉദ്യോഗസ്ഥരെ ദേഹോപദ്രവം ഏല്പിക്കുക-ജാമ്യമില്ലാക്കുറ്റം), 132 (ഉദ്യോഗസ്ഥരുടെ ഔദ്യോഗിക കൃത്യനിര്വഹണം തടസപ്പെടുത്തുക- ജാമ്യമില്ലാക്കുറ്റം), 189 (2) (അന്യായമായി സംഘം ചേരല്-ജാമ്യം ലഭിക്കാവുന്ന കുറ്റം), 190 (പൊതു ഉദ്ദേശത്തിനായി സംഘം ചേരുക), 191 (2) (കലാപം-ജാമ്യം ലഭിക്കാവുന്ന കുറ്റം), 329(3) (അതിക്രമിച്ച് കടക്കുക- ജാമ്യം ലഭിക്കാവുന്ന കുറ്റം), 332 (സി) (കുറ്റകൃത്യത്തിനായി അതിക്രമിച്ച് കടക്കുക-ജാമ്യം ലഭിക്കാവുന്ന കുറ്റം) എന്നീ വകുപ്പുകള് ചുമത്തിയാണ് കേസ് രജിസ്റ്റര് ചെയ്തത്. പൊതുമുതല് നശിപ്പിച്ചതിന് പിഡിപിപി നിയമത്തിന്റെ 3 (1) വകുപ്പ് അനുസരിച്ച് ജാമ്യമില്ലാക്കുറ്റവും അന്വറിനെതിരെ ചുമത്തിയിരുന്നു. അന്വറിന് പുറമേ പത്ത് പ്രവര്ത്തകര്ക്കെതിരെയും കേസെടുത്തിരുന്നു.
Post a Comment