പാർലമെൻ്റിന് സമീപം യുവാവ് തീകൊളുത്തി ആത്മഹത്യ ചെയ്യാൻ ശ്രമിച്ചു

(www.kl14onlinenews.com)

(25-Dec-2024)

പാർലമെൻ്റിന് സമീപം യുവാവ് തീകൊളുത്തി ആത്മഹത്യ ചെയ്യാൻ ശ്രമിച്ചു

ഡൽഹി :

പുതിയ പാർലമെൻ്റ് മന്ദിരത്തിന് സമീപം യുവാവ് സ്വയം തീകൊളുത്തി മരിക്കാൻ ശ്രമിച്ചു. ഗുരുതരമായി പൊള്ളലേറ്റ അജ്ഞാതനെ ഉടൻ തന്നെ ആശുപത്രിയിൽ പ്രവേശിപ്പിച്ചു.

പോലീസ് ഉദ്യോഗസ്ഥർ സംഭവസ്ഥലത്ത് നിന്ന് പെട്രോൾ കണ്ടെത്തി, കൂടുതൽ പരിശോധനകൾ നടന്നുവരികയാണ്. ഡൽഹി പോലീസും ഫോറൻസിക് ടീം ഉദ്യോഗസ്ഥരും സ്ഥലത്തെത്തി അന്വേഷണം ആരംഭിച്ചതായി അധികൃതർ അറിയിച്ചു.

ഇയാളുടെ വിശദാംശങ്ങളും ആത്മഹത്യയ്ക്ക് പിന്നിലെ കാരണവും ഇനിയും കണ്ടെത്താനായിട്ടില്ല. സംഭവ സ്ഥലത്തുനിന്ന് ആത്മഹത്യാക്കുറിപ്പെന്ന് സംശയിക്കുന്ന കത്ത് കണ്ടെടുത്തതായും റിപ്പോർട്ടുകളുണ്ട്

(ആത്മഹത്യ ഒന്നിനും പരിഹാരമല്ല. അതിജീവിക്കാൻ ശ്രമിക്കുക. മാനസികാരോഗ്യ വിദഗ്ധരുടെ സഹായം തേടുക. അത്തരം ചിന്തകളുളളപ്പോള്‍ 'ദിശ' ഹെല്‍പ് ലൈനില്‍ വിളിക്കുക. ടോള്‍ ഫ്രീ നമ്പര്‍: Toll free helpline number: 1056, 0471-2552056)