(www.kl14onlinenews.com)
(17-October -2024)
തിരുവനന്തപുരം: പാലക്കാട് സ്ഥാനാര്ത്ഥിത്വത്തിന്റെ പേരില് കോണ്ഗ്രസുമായി ഇടഞ്ഞ പി സരിനെ പുറത്താക്കി. ഗുരുതരമായ സംഘടനാവിരുദ്ധ പ്രവര്ത്തനവും അച്ചടക്ക ലംഘനവും നടത്തിയ പി സരിനെ കോണ്ഗ്രസ് പാര്ട്ടിയുടെ പ്രാഥമിക അംഗത്വത്തില് നിന്നും പുറത്താക്കുന്നതായാണ് വാര്ത്താക്കുറിപ്പില് അറിയിച്ചത്. കെപിസിപി അധ്യക്ഷന് കെ സുധാകരന്റേതാണ് നടപടി. ഡോ. പി. സരിനെ സംഘടനാ വിരുദ്ധ പ്രവർത്തനങ്ങളുടെയും അച്ചടക്ക ലംഘനത്തിന്റേയും പേരിൽ കോൺഗ്രസിന്റെ പ്രാഥമിക അംഗത്വത്തിൽ നിന്ന് പുറത്താക്കാൻ പാർട്ടി തീരുമാനിച്ചിരിക്കുന്ന വിവരം ഏവരേയും അറിയിക്കുന്നുവെന്ന് കെപിസിസി വൈസ് പ്രസിഡന്റ് വി ടി ബല്റാം അറിയിച്ചു. കെപിസിസി ഡിജിറ്റൽ മീഡിയ സെൽ അടിയന്തരമായി പുന:സംഘടിപ്പിക്കാനും തീരുമാനിച്ചിട്ടുണ്ടെന്നും ബല്റാം പറഞ്ഞു
ഇനി ഇടതിനൊപ്പം, സ്ഥാനാർഥിയാകാൻ തയ്യാർ:പി. സരിൻ
പാലക്കാട്: താൻ ഇനി മുതൽ ഇടതുപക്ഷത്തിനൊപ്പം ചേർന്ന് പ്രവർത്തിക്കുമെന്ന് പി. സരിൻ. സ്ഥാനാർഥിയാകാൻ തയ്യാറാണെന്നും സരിൻ വാർത്താസമ്മേളനത്തിൽ പറഞ്ഞു. സിപിഎം തന്നെ ഒരു തീരുമാനമറിയിച്ചാൽ ഉടൻ അതിന് മറുപടി നൽകുമെന്നും സരിൻ പറഞ്ഞു. എൽഎഡിഎഫ് ആവശ്യപ്പെട്ടാൽ മത്സരിക്കുമെന്നും അദ്ദേഹം കൂട്ടിച്ചേർത്തു.
പ്രതിപക്ഷനേതാവ് വി.ഡി സതീശനെതിരെ രൂക്ഷവിമർശനമാണ് സരിൻ വാർത്താ സമ്മേളനത്തിൽ ഉന്നയിച്ചത്. 'കോൺഗ്രസിൽ ഉടമ- കീഴാള ബന്ധമാണുള്ളത്. ഇങ്ങനെ പോയാൽ 2026ൽ കോൺഗ്രസിന് പച്ച തൊടാൻ കഴിയില്ല. കോൺഗ്രസിൻ്റെ രാഷ്ട്രിയ അധഃപതനത്തിന് കാരണം സതീശനാണ്.' സരിൻ പറഞ്ഞു.
അതിനിടെ സരിനെ കോൺഗ്രസ് പ്രാഥമിക അംഗത്വത്തിൽനിന്ന് കെപിസിസി പ്രസിഡന്റ് കെ. സുധാരകരൻ പുറത്താക്കി. സംഘടനാ വിരുദ്ധ പ്രവർത്തനങ്ങളുടെയും അച്ചടക്ക ലംഘനത്തിന്റേയും പേരിലാണ് നടപടി. കെപിസിസി ഡിജിറ്റൽ മീഡിയ സെൽ അടിയന്തരമായി പുന:സംഘടിപ്പിക്കാനും തീരുമാനിച്ചിട്ടുണ്ട്.
'സരിൻ്റെ നിലപാടിൽ അഭിപ്രായം പറയേണ്ടത് പാലക്കാട് ജില്ലാ കമ്മിറ്റിയാണ്. പാർട്ടി ജില്ലാ കമ്മിറ്റിയുടെ അഭിപ്രായം പരിശോധിച്ച ശേഷം കാര്യങ്ങൾ തീരുമാനിക്കു'മെന്ന് എൽഡിഎഫ് കൺവീനർ ടി.പി രാമകൃഷ്ണൻ പറഞ്ഞു
Post a Comment