(www.kl14onlinenews.com)
(07-Sep -2024)
മഞ്ഞുമലയുടെ അറ്റം മാത്രം; ആര്‍എസ്എസും മുഖ്യമന്ത്രിയുമായുള്ള പാലം ആണ് എഡിജിപിയെന്ന് രമേശ് ചെന്നിത്തല
എഡിജിപി അജിത്കുമാര്‍ മുതിർന്ന ആര്‍എസ്എസ് നേതാവുമായി കൂടിക്കാഴ്ച നടത്തിയെന്ന വിവാദത്തില്‍ വിമർശനവുമായി രമേശ് ചെന്നിത്തല.
ആർഎസ്എസും മുഖ്യമന്ത്രിയുമായുള്ള പാലം ആണ് എഡിജിപി, മഞ്ഞു മലയുടെ ആറ്റം മാത്രമാണ് പുറത്ത് വന്നതെന്നും അദ്ദേഹം പറഞ്ഞു.
ബിജെപി നേതാവ് പ്രകാശ് ജാവദേക്കാരെ കണ്ട ഇപിജയരാജന്‍റെ പദവി പോയി. ഇവിടെ ആരുടെ പദവി ആണ് പോകേണ്ടത്
എഡിജിപിയെ മുഖ്യമന്ത്രി സംരക്ഷിക്കുന്നത് എന്തിനാണ്. തൃശൂർ പൂരം കലക്കി തൃശ്ശൂരില്‍ ബിജെപിയെ ജയിപ്പിച്ചതും ഈ രഹസ്യ ധാരണയുടെ ഭാഗമാണ് രമേശ് ചെന്നിത്തല പറഞ്ഞു.
സംഭവത്തിൽ സുരേഷ് ഗോപിയും ബിജെപിയും മറുപടി പറയണെന്നും മുഖ്യമന്ത്രിയുടെ അറിവില്ലാതെ ഇതു പറ്റുമോയെന്നും അദ്ദേഹം ചോദിച്ചു.
തൃശൂർ പൂരം അട്ടിമറിച്ചെന്ന ആരോപണത്തില് അന്വേഷണ റിപ്പോർട്ട്‌ പുറത്ത് വിടാൻ വെല്ലുവിളിക്കുന്നുവെന്നും ചെന്നിത്തല പറഞ്ഞു
Post a Comment