ആംബുലന്‍സുകള്‍ക്ക് താരീഫ് ഏര്‍പ്പെടുത്തി സംസ്ഥാന സർക്കാർ

(www.kl14onlinenews.com)

(24-Sep -2024)

ആംബുലന്‍സുകള്‍ക്ക് താരീഫ് ഏര്‍പ്പെടുത്തി സംസ്ഥാന സർക്കാർ

സംസ്ഥാനത്തെ ആംബുലന്‍സ് സർവ്വീസുകൾക്ക് സർക്കാർ താരീഫ് ഏര്‍പ്പെടുത്തിയതായി ഗതാഗത മന്ത്രി കെ.ബി ഗണേഷ് കുമാര്‍ അറിയിച്ചു.

വെന്റിലേറ്റര്‍ എയര്‍ കണ്ടീഷന്‍ഡ് സൗകര്യങ്ങളുള്ള ആംബുലന്‍സിന് 10 കിലോ മീറ്ററിന് മിനിമം ചാര്‍ജ് 2500 രൂപയും പിന്നീടുള്ള കിലോമീറ്ററുകൾക്ക് 50 രൂപ അധികചാര്‍ജായി ഈടാക്കാനും തീരുമാനിച്ചതായി മന്ത്രി അറിയിച്ചു.

വെന്റിലേറ്റര്‍ അടക്കമുള്ള ഹൈ എന്റ് വാഹനങ്ങളുടെ നിരക്കാണിത്.

വെന്റിലേറ്ററില്ലാത്ത ഓക്‌സിജന്‍ സൗകര്യമുള്ള സാധാരണ എയര്‍കണ്ടീഷന്‍ഡ് ആംബുലന്‍സിന് മിനിമം ചാര്‍ജ് 1500 രൂപയും അധിക കിലോ മീറ്ററിന് 40 രൂപയും വെയിറ്റിങ് ചാര്‍ജ് ആദ്യ മണിക്കൂറിന് ശേഷം ഓരോ മണിക്കൂറിനും 200 രൂപയും വീതമായിരിക്കും

ചെറിയ മാരുതി ഒമ്‌നി പോലുള്ള എസി ആംബുലന്‍സിന് 800 രൂപയായിരിക്കും. വെയിറ്റിങ് ചാര്‍ജ് ആദ്യ മണിക്കൂറിന് ശേഷം ഓരോ മണിക്കൂറിനും 200 രൂപയും അധിക കിലോ മീറ്ററിന് 25 രൂപയും ആയിരിക്കും.

ഇതേ വിഭാഗത്തിലെ നോണ്‍ എസി ആംബുലൻസുകൾക്ക് 600 രൂപയും ആയിരിക്കും മിനിമം ചാര്‍ജ്.

വെയിറ്റിങ് ചാര്‍ജ് ആദ്യ മണിക്കൂറിന് ശേഷം ഓരോ മണിക്കൂറിനും 150 രൂപയും അധിക കിലോ മീറ്ററിന് 20 രൂപയും ആയിരിക്കും.

റീജിയനൽ ക്യാൻസർ സെൻ്ററിലേക്ക് വരുന്ന രോഗികള്‍ക്ക് ഓരോ കിലോമീറ്ററിനും രണ്ട് രൂപ വീതം ഇളവ് ലഭിക്കും