വയനാട് ഉരുൾപൊട്ടൽ രക്ഷാപ്രവർത്തനം; തമിഴ്‌നാട്ടിലെ നഴ്‌സിന് കൽപന ചൗള അവാർഡ്

(www.kl14onlinenews.com)
(18-August -2024)

വയനാട് ഉരുൾപൊട്ടൽ രക്ഷാപ്രവർത്തനം; തമിഴ്‌നാട്ടിലെ നഴ്‌സിന് കൽപന ചൗള അവാർഡ് 
കേരളത്തിലെ വയനാട് ഉരുൾപൊട്ടലിൽ നിരവധി പേരുടെ ജീവൻ രക്ഷിക്കാൻ നടപടിയെടുത്ത തമിഴ്‌നാട്ടിലെ നീലഗിരി ജില്ലയിൽ നിന്നുള്ള എ സബീന എന്ന നഴ്‌സിന് ധൈര്യത്തിനും ധീരമായ സംരംഭത്തിനുമുള്ള കൽപ്പന ചൗള അവാർഡ് ലഭിച്ചു.

ഉരുൾപൊട്ടലിൽ,മുണ്ടക്കൈ ചൂൽമല ഗ്രാമങ്ങളെ ബന്ധിപ്പിക്കുന്ന പാലം തകർന്നതോടെ ആളുകൾ ഒറ്റപ്പെട്ടിരുന്നു. സുരക്ഷിത സ്ഥാനത്തേക്ക് കടക്കാൻ കഴിയാതെ മണിക്കൂറുകൾ ആളുകൾ കുടുങ്ങിക്കിടന്നു. രക്ഷാപ്രവർത്തനവും ആദ്യഘട്ടത്തിൽ പ്രയാസമായിരുന്നു.

രക്ഷാപ്രവർത്തനത്തിനായി മറുവശത്തേക്ക് കടക്കാനും ഒരു സിപ്പ്-ലൈൻ നിർമ്മിക്കുകയായിരുന്നു. ഇതിന് സബീനയും മുന്നിട്ടിറങ്ങിയിരുന്നു.

ഞാൻ കഴിഞ്ഞ മൂന്ന് വർഷമായി നീലഗിരിയിലെ ഒരു എൻജിഒയിൽ ജോലി ചെയ്യുകയായിരുന്നു. വയനാട്ടിൽ മണ്ണിടിച്ചിലുണ്ടെന്ന് ഞങ്ങളുടെ തലവൻ എന്നോട് പറഞ്ഞു. ഞങ്ങൾ സമീപത്ത് ഉണ്ടായിരുന്നു എന്നതിനാൽ ആദ്യം പോകേണ്ടിവന്നു." സബീന പറഞ്ഞു.

"ഞാൻ സ്ഥലത്തെത്തിയപ്പോഴേക്കും ഉരുൾപൊട്ടൽ ഭയന്ന് ആളുകൾ സ്ഥലത്തുനിന്ന് ഓടിക്കൊണ്ടിരിക്കുകയായിരുന്നു. ഞങ്ങൾ കഴിയുന്നത്ര വാഗതേത്ൽ പ്രാഥമിക ശുശ്രൂഷ നൽകി. ഇപ്പോൾ ദൃശ്യങ്ങൾ കാണാൻ തന്നെ ഭയമാണ്, പക്ഷേ ആ സമയത്ത് ഞാൻ രോഗികളെക്കുറിച്ച് ആശങ്കാകുലയായിരുന്നു. പ്രഥമ ശുശ്രൂഷ വഹിക്കുന്ന ബാഗ് എൻ്റെ കൈയിൽ നിന്ന് തെന്നിമാറുമോ എന്ന് വരെ ഞാൻ ഭയപ്പെട്ടു.” അവർ പറഞ്ഞു.

തുടർച്ചയായി പെയ്ത മഴ വയനാട്ടിൽ ഒന്നിലധികം വിനാശകരമായ ഉരുൾപൊട്ടലുകൾക്ക് കാരണമായി. ജൂലൈ 30 ന് പുലർച്ചെ ചൂരൽമല, മുണ്ടക്കൈ പ്രദേശങ്ങളിലാണ് ദുരന്തം ഉണ്ടായത്. ദുരന്തം ഒരു വലിയ പ്രദേശത്തുടനീളമുള്ള വീടുകളും കെട്ടിടങ്ങളും തർത്തു. നാനൂറോളം ആളുകൾക്കാണ് ദുരന്തത്തിൽ ജീവൻ നഷ്ടപ്പെട്ടത്.

Post a Comment

Previous Post Next Post