(www.kl14onlinenews.com)
(04-May-2024)
ഐഎസ്എൽ കലാശപ്പോരാട്ടം ഇന്ന്; ആതിഥേയരായ മോഹൻ ബഗാൻ മുംബൈ എഫ്സിയെ നേരിടും
ഇന്ത്യൻ സൂപ്പർ ലീഗ് ഫുട്‌ബോളിൻ്റെ കിരീട പോരാട്ടത്തിന് ഇന്ന് കൊൽക്കത്ത സാക്ഷ്യം വഹിക്കും. മുംബൈ സിറ്റി നിലവിലെ ചാമ്പ്യൻമാരായ മോഹൻബഗാൻ സൂപ്പർ ജയൻ്റ്സിനെ നേരിടും. ലീഗ് ഘട്ടത്തിൽ ആദ്യ രണ്ട് സ്ഥാനങ്ങളിലെത്തിയ ടീമുകളാണ് ഫൈനൽപോരാട്ടത്തിനും ഇറങ്ങുന്നതെന്ന പ്രത്യേകതയുമുണ്ട്. ഇന്ന് രാത്രി 7.30-നാണ് കിക്കോഫ്.
ലീഗ് റൗണ്ടിൽ ഇരു ടീമുകളും അവസാനം ഏറ്റുമുട്ടിയപ്പോൾ ജയം മോഹൻ ബഗാനൊപ്പമായിരുന്നു. 2-1നു ജയിച്ച് അവർ ലീഗ് വിന്നേഴ്‌സ് ഷീൽഡ് സ്വന്തമാക്കി. ഒപ്പം സ്വന്തം മണ്ണിൽ ആരാധക‍ർക്കു മുന്നിൽ കളിക്കുന്നതിൻ്റെ ആനുകൂല്യവും മോഹൻ ബഗാനുണ്ട്. കഴിഞ്ഞ സീസണിൽ ബെംഗളൂരു എഫ്സിയെ പെനാൽറ്റി ഷൂട്ടൗട്ടിൽ വീഴ്ത്തിയാണ് മോഹൻ ബഗാൻ കിരീടം നേടിയത്.
സെമിയിൽ ആദ്യ പാദത്തിൽ ഒഡിഷ എഫ്‌സിയോടു 1-2 നു തോറ്റ മോഹൻ ബഗാൻ രണ്ടാം പാദത്തിൽ 2-0 ത്തിനു ജയിച്ച് 3-2 ൻ്റെ അഗ്രഗേറ്റിൽ മത്സരം പിടിച്ചാണ് മോഹൻ ബഗാൻ ഫൈനലിലേക്ക് മുന്നേറിയത്
ഐ.എസ്.എലിൽ രണ്ടാം കിരീടമോഹവുമായാണ് മോഹൻ ബഗാൻ ഇറങ്ങുന്നത്. കഴിഞ്ഞ സീസണിൽ എ.ടി.കെ. മോഹൻ ബഗാൻ എന്നപേരിലാണ് ടീം കിരീടം നേടിയത്. ഇത്തവണ മോഹൻബഗാൻ സൂപ്പർ ജയൻ്റ്സ് ആയാണ് മത്സരത്തിനിറങ്ങിയത്. അതിനുമുമ്പ് എ.ടി.കെ. എന്ന പേരിലും ക്ലബ്ബ് മൂന്നുകിരീടം നേടിയിട്ടുണ്ട്.
മുംബൈ സിറ്റി എഫ്‌സി സെമിയിൽ എഫ്സിയെ ഗോവയെ വീഴ്ത്തിയാണ് ഫൈനലുറപ്പിച്ചത്. ആദ്യ പാദത്തിൽ 3-2നും രണ്ടാം പാദത്തിൽ 2-0ത്തിനും ജയിച്ച് 5-2 എന്ന അഗ്രഗേറ്റിൽ സുരക്ഷിതമായാണ് അവർ കലാശപ്പോരിലേക്ക് കടന്നത്.
ഒരു തവണയാണ് മുംബൈ സിറ്റി ഐഎസ്എൽ കിരീടം നേടിയത്. 2020-21 സീസണിൽ. അന്നും മോഹൻ ബഗാൻ തന്നെയായിരുന്നു എതിരാളികൾ. അന്ന് കൊൽക്കത്ത ടീം എടികെ മോഹൻ ബഗാനായിരുന്നു. ഇത്തവണ പേര് മാറിയതു മാത്രമാണ് വ്യത്യാസം. 2020- 21ലെ ഫൈനലിൻ്റെ ആവർത്തനം തന്നെയാണ് ഇന്നും നടക്കുക.
إرسال تعليق