(www.kl14onlinenews.com)
(13-JAN-2024)
ജിദ്ദ വിമാനത്താവളത്തിൽ നിന്നും മക്കയിലേക്ക് ഇനി ഇലക്ട്രിക് വിമാനത്തിൽ പറക്കാം
ജിദ്ദ : ജിദ്ദ വിമാനത്താവളത്തിൽ നിന്നും മക്കയിലേക്ക് ഇനി ഇലക്ട്രിക് വിമാനത്തിൽ പറക്കാം. ജിദ്ദ കിങ്‌ അബ്ദുൽ അസീസ് വിമാനത്താവളത്തിൽ നിന്ന് മക്കയിലെ ഹോട്ടൽ എയർസ്ട്രിപ്പുകളിലേക്കാണ് വിമാനങ്ങൾ പറക്കുക. സൗദി വിമാന കമ്പനി സൗദിയയാണ് പ്രഖ്യാപനവുമായി വന്നത്.
സർവ്വീസിനായി 100 ജർമൻ ഇലക്ട്രിക് വിമാനങ്ങൾ വാങ്ങുന്നതിനുള്ള കരാറിൽ കമ്പനി ഒപ്പുവച്ചതായി സൗദി കോർപ്പറേറ്റ് കമ്മ്യൂണിക്കേഷൻസ് ഡയറക്ടർ അബ്ദുല്ല അൽ-ഷഹ്‌റാനി പറഞ്ഞു. നാലോ ആറോ യാത്രക്കാരുമായി പോകുന്ന വിമാനം പരമാവധി 200 കിലോമീറ്റർ ദൂരം വരെ സഞ്ചരിക്കുമെന്നും ചെറിയ എൻജിനുകളുടെ സഹായത്തോടെ ലംബമായി ലാൻഡ് ചെയ്യുമെന്നും അൽ-ഷഹ്താനി പറഞ്ഞു.
വിമാന സർവീസുകളുടെ ആദ്യ ഘട്ടത്തിന് ശേഷം വിമാനങ്ങളുടെ എണ്ണം വർധിപ്പിക്കുകയും യാത്രക്കാരുടെ ശേഷി വർധിപ്പിക്കുകയും ചെയ്യും. രാജ്യത്തിന്റെ മറ്റ് ഭാഗങ്ങളിലേക്കു സർവീസ് നടത്തുന്ന കാര്യം പരിഗണിക്കുമെന്നും ഷഹ്‌റാനി കൂട്ടിച്ചേർത്തു.
Post a Comment