അപകീർത്തിക്കേസ്: രാഹുൽ ​ഗാന്ധിയുടെ അപ്പീലിൽ ​അന്തിമവാദം ഇന്ന്

(www.kl14onlinenews.com)
(02-May-2023)

അപകീർത്തിക്കേസ്: രാഹുൽ ​ഗാന്ധിയുടെ അപ്പീലിൽ ​അന്തിമവാദം ഇന്ന്
ന്യൂഡൽഹി: അപകീർത്തി കേസിൽ രാഹുൽ ​ഗാന്ധി നൽകിയ അപ്പീലിൽ ​ഗുജറാത്ത് ഹൈക്കോടതി ഇന്ന് അന്തിമ വാദം കേൾക്കും. ഇന്ന് തന്നെ അപ്പീലിൽ വിധി പറയാനും സാധ്യതയുണ്ട്. ജസ്റ്റിസ് ഹേമന്ത് പ്രചക് ആണ് വാദം കേൾക്കുന്നത്.
ശനിയാഴ്ച രാഹുലിന്റെ വാദം കേട്ട കോടതി എതിർഭാ​ഗത്തിന് മറുപടി നൽകാൻ സമയം അനുവദിക്കുകയായിരുന്നു. ആരോപിക്കപ്പെടുന്ന കുറ്റം അതീവ ​ഗുരുതരമല്ലെന്നും സ്റ്റേ നൽകുന്നതിൽ കടുംപിടുത്തം പാടില്ലെന്നുമാണ് രാഹുലിനായി ഹാജരായ മനു അഭിഷേക് സിംഗ്വി ആവശ്യപ്പെട്ടത്.
എന്നാൽ പ്രസ്താവനകൾ നടത്തുമ്പോൾ രാഹുലും തന്‍റെ സ്ഥാനം മറക്കരുതെന്ന് കോടതി വാക്കാൽ പരാമർശിച്ചിരുന്നു. രാഹുല്‍ ഗാന്ധിയുടെ ഹർജി നിയമപരമായ നിലനില്‍ക്കില്ലെന്ന് പരാതിക്കാരന്‍റെ അഭിഭാഷകന്‍ കോടതിയിൽ വാദിച്ചു. ഇതിൽ സത്യവാങ്മൂലം സമര്‍പ്പിക്കാന്‍ പരാതിക്കാരനോട് കോടതി നിർദേശിച്ചു.
2019ൽ കോലാറിലെ തിരഞ്ഞെടുപ്പ് റാലിക്കിടെ രാഹുൽ നടത്തിയ പ്രസം​ഗത്തിലെ പരാമർശമാണ് രാഹുലിനെ അയോ​ഗ്യനാക്കിയത്. മജിസ്ട്രേറ്റ് കോടതിയുടെ വിധി സെഷൻസ് കോടതിയും സ്റ്റേ ചെയ്യാത്ത സാഹചര്യത്തിലാണ് ഹൈക്കോടതിയെ സമീപിച്ചത്. കോടതി കുറ്റവിമുക്തനാക്കുകയോ ശിക്ഷാ ഇളവ് നൽകുകയോ ചെയ്താൽ രാഹുലിന് എംപി സ്ഥാനം തിരികെ ലഭിക്കും.

Post a Comment

أحدث أقدم