മറ്റ് ട്രെയിനുകൾ വൈകാൻ കാരണം വന്ദേഭാരതല്ല'; വിശദീകരണവുമായി ദക്ഷിണ റെയിൽവേ

(www.kl14onlinenews.com)
(04-May-2023)

മറ്റ് ട്രെയിനുകൾ വൈകാൻ കാരണം വന്ദേഭാരതല്ല'; വിശദീകരണവുമായി ദക്ഷിണ റെയിൽവേ
വന്ദേഭാരത് സമയക്രമവുമായി ബന്ധപ്പെട്ട വിമർശനങ്ങൾക്ക് മറുപടി നൽകി ദക്ഷിണ റെയിൽവേ രംഗത്ത്. വന്ദേഭാരത് യാത്രാ സമയക്രമവും കൃത്യമായ വേഗവും പാലിക്കുന്നുണ്ടെന്നാണ് ദക്ഷിണ റെയിൽവേയുടെ വിശദീകരണം. വന്ദേ ഭാരത് തിരുവനന്തപുരത്തും കാസർകോടും നിന്ന് പുറപ്പെടുന്നതും എത്തുന്നതും കൃത്യസമയത്ത് തന്നെയാണ്.

ട്രയൽ റണ്ണിലെ സമയം സർവീസ് റണ്ണുമായി താരതമ്യം ചെയ്യാൻ കഴിയില്ലെന്നും വേണാട്, പാലരുവി തുടങ്ങിയ ട്രെയിനുകളുടെ സമയത്തിലുണ്ടായ മാറ്റത്തിന് വന്ദേ ഭാരതുമായി ബന്ധമില്ലെന്നും ദക്ഷിണ റെയിൽവേ അറിയിച്ചു. കേരളത്തിൽ സർവീസ് ആരംഭിച്ച് ഒരാഴ്‌ച പൂര്‍ത്തിയാകുമ്പോള്‍ പല ദിവസങ്ങളിലും ട്രയല്‍ റണ്ണിലെ സമയക്രമം പാലിക്കാന്‍ വന്ദേഭാരതിന് കഴിയുന്നില്ലെന്ന വിമര്‍ശനം വിവിധ കോണുകളിൽ നിന്ന് ഉയര്‍ന്നിരുന്നു.

മറ്റ് ട്രെയിനുകളുടെ സമയം ക്രമീകരിച്ചാണ് വന്ദേ ഭാരതിന്റെ യാത്ര നടക്കുന്നത്. ഇതിൽ ആദ്യം തിരിച്ചടി നേരിട്ടത് വേണാട് എക്‌സ്പ്രസിലെ യാത്രക്കാര്‍ക്കാണ്. പുലര്‍ച്ചെ അഞ്ച് പതിനഞ്ചിന് തിരുവനന്തപുരത്ത് നിന്ന് എടുത്തിരുന്ന വേണാട് വന്ദേഭാരതിന് അഞ്ചുമിനിറ്റ് പിന്നിലാണിപ്പോള്‍ യാത്ര തുടങ്ങുന്നത്. ഫലത്തില്‍ വേഗം നിയന്ത്രിച്ച് പിന്നാലെ ഓടുന്നതിനാല്‍ ഓഫീസ് സമയത്ത് എത്തിയിരുന്ന ട്രെയിൻ എറണാകുളത്ത് നേരംതെറ്റിയാണ് ഇപ്പോൾ എത്തുന്നതെന്നായിരുന്നു ആരോപണം.

Post a Comment

Previous Post Next Post