(www.kl14onlinenews.com)
(24-April-2023)
ഡൽഹി :
അഞ്ച് മാസത്തെ ഇടവേളയ്ക്കുശേഷം ലാവ്ലിന് കേസ് ഇന്ന് വീണ്ടും സുപ്രീം കോടതിയിൽ. കേസില് മുഖ്യമന്ത്രി പിണറായി വിജയന് ഉള്പ്പെടെയുള്ളവരെ കുറ്റവിമുക്തരാക്കിയതിനെ ചോദ്യം ചെയ്തുള്ള സിബിഐ ഹര്ജിയും, വിചാരണ നേരിടണമെന്ന ഹൈക്കോടതി വിധിക്കെതിരെയുള്ള ഹര്ജിയുമാണ് കോടതിയിലുള്ളത്. ഇത് 33-ാം തവണയാണ് കേസ് പരമോന്നത കോടതിയുടെ പരിഗണനയ്ക്ക് വരുന്നത്.
ജസ്റ്റിസുമാരായ എംആര് ഷാ, മലയാളിയായ സി ടി രവികുമാര് എന്നിവരുടെ ബെഞ്ചാണ് ഹർജി പരിഗണിക്കേണ്ടത്. അതേസമയം, അസുഖബാധിതനായതിനാല് ഇന്ന് കേസ് പരിഗണിക്കരുതെന്ന് ഊര്ജ വകുപ്പ് മുന് ജോയിന്റ് സെക്രട്ടറി എ ഫ്രാന്സിസിന്റെ അഭിഭാഷകന് സുപ്രീം കോടതി റജിസ്ട്രാര്ക്ക് കത്തുനല്കിയിട്ടുണ്ട്. കേസ് മൂന്നാഴ്ചത്തേക്ക് മാറ്റിവയ്ക്കണമെന്നാണ് ആവശ്യം. സോളിസിറ്റര് ജനറല് തുഷാര് മേത്തയാണ് സിബിഐയ്ക്ക് വേണ്ടി ഹാജരാവുക.
പിണറായി വിജയൻ ഉൾപ്പെടെയുള്ള മൂന്ന് പേരെ പ്രതിപ്പട്ടികയിൽ നിന്ന് ഒഴിവാക്കിയതിനെതിരെ 2017 ഡിസംബറിലാണ് സിബിഐ സുപ്രീം കോടതിയെ സമീപിച്ചത്. കേസിൽ 2018 ജനുവരി 11ന് സുപ്രീം കോടതി നോട്ടീസ് അയച്ചു. പിന്നീട് നാല് വർഷത്തിനിടെ മുപ്പത്തിരണ്ട് തവണ ഹര്ജികള് പരിഗണിക്കുന്നത് മാറ്റി വച്ചു.
Post a Comment