(www.kl14onlinenews.com)
(02-April-2023)
മോദി' പരാമര്‍ശം; വിധിക്കെതിരെ രാഹുല്‍ ഗാന്ധി നാളെ അപ്പീല്‍ നല്‍കും
ന്യൂഡല്‍ഹി: സൂറത്ത് കോടതി വിധിക്കെതിരെ രാഹുല്‍ ഗാന്ധി നാളെ അപ്പീല്‍ നല്‍കും. സൂറത്ത് കോടതിയിലാണ് അപ്പീൽ ഫയൽ ചെയ്യുന്നത്.സെഷന്‍സ് കോടതിയിൽ രാഹുൽ ഗാന്ധി നേരിട്ട് ഹാജരാകുമെന്നാണ് വിവരം.
രാഹുൽ ഗാന്ധിക്കെതിരായ മാനനഷ്ടക്കേസിൽ സൂറത്ത് വിധിക്കെതിരെ ഏപ്രിൽ അഞ്ചിന് മുമ്പ് അപ്പീൽ സമർപ്പിക്കുമന്ന് അറിയിച്ചിരുന്നു. മനു അഭിഷേക് സിങ് വി ഉൾപ്പെടുന്ന കോൺഗ്രസിന്റെ നിയമ വിഭാഗം രാഹുലിനെതിരായ എല്ലാ കേസുകളും ഏറ്റെടുത്തിരിക്കുന്നത്. മോദി പരാമർശത്തിനെതിരെ ഫയൽ ചെയ്ത ഹർജിയിൽ നേരിട്ട് ഹാജരാകാൻ ആവശ്യപ്പെട്ട് പാട്ന കോടതി രാഹുലിന് നോട്ടീസ് അയച്ചിരുന്നു. 'മോദി' സമുദായത്തെ അപമാനിച്ചു എന്ന കേസിൽ ഈ മാസം 12 ന് ഹാജരാകാൻ പാട്നയിലെ പ്രത്യേക കോടതി രാഹുൽ ഗാന്ധിയോട് ആവശ്യപ്പെട്ടിരുന്നു.
ബിജെപി നേതാവും രാജ്യസഭാംഗവുമായ സുശീൽ കുമാർ മോദിയുടെ പരാതിയിന്മേലാണ് നടപടി. 2019 ൽ കർണാടകയിലെ കോലാറിൽ ഒരു തിരഞ്ഞെടുപ്പ് റാലിയിൽ പ്രസംഗിക്കവെ 'മോദി' സമുദായത്തെ രാഹുൽ ഗാന്ധി അപകീർത്തിപ്പെടുത്തി എന്നാണ് കേസ്. ഇതേ കേസിലാണ് സൂറത്ത് കോടതി കഴിഞ്ഞയാഴ്ച രാഹുലിനെ ശിക്ഷിച്ചത്. തുടർന്ന് ലോക്സഭാ സെക്രട്ടറിയേറ്റ് രാഹുൽ ഗാന്ധിയുടെ എംപി സ്ഥാനം റദ്ദാക്കുകയായിരുന്നു.
إرسال تعليق