(www.kl14onlinenews.com)
(01-Mar-2023)
മുകേഷ് അംബാനിക്കും കുടുംബത്തിനും ഇന്ത്യയിലും വിദേശത്തും Z+ സുരക്ഷ നൽകണം; സുപ്രീം കോടതി
ഡൽഹി :
മുകേഷ് അംബാനിക്കും കുടുംബത്തിനും Z+ സുരക്ഷ നൽകണമെന്ന് സുപ്രീം കോടതി കേന്ദ്രത്തോട് ആവശ്യപ്പെട്ടു. മുംബൈയിൽ മാത്രമല്ല, രാജ്യത്തും വിദേശത്തും അവരുടെ സുരക്ഷ ലഭ്യമാക്കണമെന്ന് സുപ്രീം കോടതി ഉത്തരവിൽ പറഞ്ഞു. ഈ സുരക്ഷാ ക്രമീകരണത്തിന്റെ എല്ലാ ചെലവുകളും വ്യവസായി മുകേഷ് അംബാനി വഹിക്കുമെന്ന് കോടതി പറഞ്ഞു.
മുകേഷ് അംബാനിയും കുടുംബവും ഇന്ത്യയിൽ തന്നെ തുടരുമ്പോൾ മഹാരാഷ്ട്ര സർക്കാരും ആഭ്യന്തര മന്ത്രാലയവും അവരുടെ സുരക്ഷ ഉറപ്പാക്കുമെന്ന് ചൊവ്വാഴ്ച ജസ്റ്റിസുമാരായ കൃഷ്ണ മുരാരി, അഹ്‌സനുദ്ദീൻ അമാനുല്ല എന്നിവരുടെ ബെഞ്ച് പറഞ്ഞു. ഇതു സംബന്ധിച്ച് കേന്ദ്ര ആഭ്യന്തര മന്ത്രാലയത്തിനും മഹാരാഷ്ട്ര സ‍ര്‍ക്കാരിനും കോടതി നിര്‍ദേശം നൽകി.
തുടര്‍ച്ചയായുള്ള സുരക്ഷ ഭീഷണി കാരണം മുകേഷിനും കുടുംബത്തിനും സെഡ് പ്ലസ് സുരക്ഷ നൽകിയിട്ടുണ്ടെന്ന് നേരത്തെ സ‍ര്‍ക്കാര്‍ കോടതിയെ അറിയിച്ചിരുന്നു. അതിന് പുറമെ ഇന്ത്യയിലുള്ളപ്പോഴും വിദേശത്തേക്ക് പോകുമ്പോഴും അവർക്ക് Z+ സുരക്ഷാ ക്രമീകരണങ്ങൾ ആഭ്യന്തര മന്ത്രാലയം ഉറപ്പാക്കണമെന്ന് കോടതി ആവശ്യപ്പെട്ടു.
إرسال تعليق