(www.kl14onlinenews.com)
(27-Jan-2023)
ഡല്ഹി: ലക്ഷദ്വീപ് ലോക്സഭ മണ്ഡലത്തില് ഉപതെരഞ്ഞെടുപ്പ് പ്രഖ്യാപിച്ചതിനെതിരെ സമര്പ്പിച്ച ഹര്ജി സുപ്രീംകോടതി ഇന്ന് പരിഗണിക്കും. എന്സിപി നേതാവും മുന് എംപിയുമായ മുഹമ്മദ് ഫൈസല് ആണ് കോടതിയെ സമീപിച്ചത്. ജസ്റ്റിസ് കെ എം ജോസഫ് അധ്യക്ഷനായ ബെഞ്ചാണ് ഹര്ജി പരിഗണിക്കുന്നത്.
വധശ്രമക്കേസില് കവരത്തി കോടതി മുഹമ്മദ് ഫൈസലിനെയും മറ്റു മൂന്നുപേരെയും 10 വര്ഷം തടവിന് ശിക്ഷിച്ചിരുന്നു. ഇതേത്തുടര്ന്ന് ലോക്സഭ സെക്രട്ടേറിയറ്റ് മുഹമ്മദ് ഫൈസലിന്റെ എംപി സ്ഥാനം റദ്ദാക്കി. ഇതിനു പിന്നാലെ കേന്ദ്ര തെരഞ്ഞെടുപ്പ് കമ്മീഷന് അടുത്തമാസം ഉപതെരഞ്ഞെടുപ്പ് പ്രഖ്യാപിക്കുകയും ചെയ്തിരുന്നു.
ഇതു ചോദ്യം ചെയ്താണ് മുഹമ്മദ് ഫൈസല് കോടതിയെ സമീപിച്ചിരിക്കുന്നത്. വധശ്രമക്കേസില് കേരള ഹൈക്കോടതി മുഹമ്മദ് ഫൈസലിനെ കുറ്റക്കാരനെന്ന് കണ്ടെത്തിയ വിധിയും, ശിക്ഷയും മരവിപ്പിച്ചിരുന്നു. ഇതേത്തുടര്ന്ന് മുഹമ്മദ് ഫൈസലും കൂട്ടുപ്രതികളും ജയില്മോചിതരാകുകയും ചെയ്തിരുന്നു
إرسال تعليق