(www.kl14onlinenews.com)
(28-DEC-2022)
തിരുവനന്തപുരം: വര്ക്കലയില് 17 വയസുകാരിയെ സുഹൃത്ത് കഴുത്തറുത്ത് കൊന്നു. വടശേരി സംഗീത നിവാസില് സംഗീതയാണ് കൊല്ലപ്പെട്ടത്. സംഭവത്തില് പെണ്ക്കുട്ടിയുടെ ആണ് സുഹൃത്തിനെ പോലീസ് കസ്റ്റഡിയിലെടുത്തു. പള്ളിയ്ക്കല് സ്വദേശി ഗോപുവാണ് പിടിയിലായത്. കൊലപാതകം നേരിട്ട് കണ്ടതിന്റെ നടുക്കത്തിലാണ് സംഗീതയുടെ അച്ഛന്.
രണ്ടാം വര്ഷം ഡിഗ്രി വിദ്യാര്ത്ഥിനിയാണ് സംഗീത. വീടിന് പുറത്ത് ചോരയില് കുളിച്ച നിലയില് ഇന്നലെ രാത്രി കണ്ടെത്തുകയായിരുന്നു. സഹോദരിക്കൊപ്പം ഉറങ്ങാന് കിടന്ന സംഗീതയെ രാത്രി വീടിന് പുറത്തേക്ക് വിളിച്ചിറക്കി പ്രതി ആക്രമിക്കുകയായിരുന്നു എന്നാണ് പോലീസ് പറയുന്നത്. പെണ്കുട്ടിയെ തിരുവനന്തപുരം മെഡിക്കല് കോളേജ് ആശുപത്രിലേക്ക് എത്തിച്ചെങ്കിലും ജീവന് രക്ഷിക്കാനായില്ല.
പെണ്ക്കുട്ടിയുടെ സുഹൃത്തായ ഗോപു, അഖില് എന്ന പേരില് മറ്റൊരു നമ്പറില് നിന്ന് പെണ്കുട്ടിയുമായി ചാറ്റ് തുടങ്ങി ബന്ധം സ്ഥാപിച്ചിരുന്നതായി പറയപ്പെടുന്നുണ്ട്. അഖില് ആവശ്യപ്പെട്ട പ്രകാരമാണ് ഇന്നലെ പെണ്കുട്ടി വീടിന് പുറത്തേയ്ക്ക് പോയത്. ഹെല്മെറ്റ് ധരിച്ചാണ് ഗോപു എത്തിയത്. സംശയം തോന്നിയ പെണ്കുട്ടി ഹെല്മെറ്റ് മാറ്റാന് ആവശ്യപ്പെട്ടു. ഇതിനിടയില് ഗോപു സംഗീതയെ ആക്രമിക്കുകയായിരുന്നു. പേപ്പര് മുറിക്കുന്ന കത്തി ഉപയോഗിച്ചാണ് പ്രതി ആക്രമിച്ചത്.
Post a Comment