വോഡഫോൺ- ഐഡിയ വിയർക്കുന്നു, സെപ്തംബറിൽ നഷ്ടപ്പെട്ടത് ലക്ഷക്കണക്കിന് വരിക്കാരെ

(www.kl14onlinenews.com)
(25-NOV-2022)

വോഡഫോൺ- ഐഡിയ വിയർക്കുന്നു, സെപ്തംബറിൽ നഷ്ടപ്പെട്ടത് ലക്ഷക്കണക്കിന് വരിക്കാരെ
അനുദിനം മാറ്റങ്ങൾ സംഭവിച്ചുകൊണ്ടിരിക്കുന്ന മേഖലകളിൽ ഒന്നാണ് ടെലികോം വിപണി. ഇത്തവണ സെപ്തംബർ മാസത്തെ വരിക്കാരുടെ എണ്ണം പുറത്തുവിട്ടിരിക്കുകയാണ് ടെലികോം റെഗുലേറ്ററി അതോറിറ്റി ഓഫ് ഇന്ത്യ. പുതിയ കണക്കുകൾ പ്രകാരം, 30 ദിവസത്തിനുള്ളിൽ 40.11 ദശലക്ഷം വരിക്കാരെയാണ് വോഡഫോൺ- ഐഡിയക്ക് നഷ്ടമായിരിക്കുന്നത്. അതേസമയം, വരിക്കാരെ ചേർക്കുന്നതിൽ മികച്ച മുന്നേറ്റം കാഴ്ചവെക്കാൻ ജിയോയ്ക്ക് സാധിച്ചിട്ടുണ്ട്. ഏകദേശം 7.2 ലക്ഷം വരിക്കാരെയാണ് പുതുതായി ലഭിച്ചിട്ടുള്ളത്. ഭാരതി എയർടെൽ 4.12 ലക്ഷം വരിക്കാരെ ചേർത്തിട്ടുണ്ട്.

വോഡഫോൺ- ഐഡിയക്ക് പുറമേ, വരിക്കാരെ പിടിച്ചുനിർത്തുന്നതിൽ ബിഎസ്എൻഎലും പരാജയപ്പെട്ടിട്ടുണ്ട്. 7.82 ലക്ഷം വരിക്കാരാണ് ബിഎസ്എൻഎൽ വിട്ടുപോയത്. ഇത്തവണ വിപണിയിലെ 36.6 ശതമാനം വിഹിതവും റിലയൻസ് ജിയോയുടെ കൈകളിലാണ്. വിപണി വിഹിതത്തിന്റെ 31.8 ശതമാനം പിടിച്ചെടുക്കാൻ എയർടെലിനും, 21.75 ശതമാനം പിടിച്ചെടുക്കാൻ വോഡഫോൺ- ഐഡിയക്കും സാധിച്ചിട്ടുണ്ട്. 9.55 ശതമാനം വിപണി പിടിച്ചടക്കിയ ബിഎസ്എൻഎൽ നാലാം സ്ഥാനത്താണ്.

ഇന്ത്യയിലെ മൊത്തം ബ്രോഡ്ബാൻഡ് വരിക്കാരുടെ എണ്ണം സെപ്തംബർ അവസാനത്തോടെ 81.62 കോടിയായാണ് ഉയർന്നത്. അതേസമയം, സെപ്തംബറിൽ വയർലൈൻ വരിക്കാരുടെ എണ്ണം 2.59 കോടിയിൽ നിന്ന് 2.64 കോടിയായി വർദ്ധിച്ചിട്ടുണ്ട്.

Post a Comment

أحدث أقدم