വയനാട്ടിൽ മന്ത്രി എ.കെ ശശീന്ദ്രന് നേരെ വ്യാപക പ്രതിഷേധം; വാഹനം തടഞ്ഞ് നാട്ടുകാർ

(www.kl14onlinenews.com)
(26-jan-2025)

വയനാട്ടിൽ മന്ത്രി എ.കെ ശശീന്ദ്രന് നേരെ വ്യാപക പ്രതിഷേധം; വാഹനം തടഞ്ഞ് നാട്ടുകാർ
വയനാട് :
വയനാട്ടിലെത്തിയ മന്ത്രി എ.കെ ശശീന്ദ്രന് നേരെ വ്യാപക പ്രതിഷേധം. പഞ്ചാരക്കൊല്ലിയിൽ കടുവയുടെ ആക്രമണത്തിൽ കൊല്ലപ്പെട്ട യുവതിയുടെ വീട് സന്ദർശിക്കാനെത്തിയ മന്ത്രിക്കെതിരെ വൻ പ്രതിഷേധമാണുണ്ടായത്. ജനരോഷം കടുത്തതോടെ മന്ത്രിക്ക് വാഹനത്തിൽ നിന്നും പുറത്തിറങ്ങാനായില്ല. പിന്നീട് പോലീസ് ഏറെ പണിപെട്ടാണ് മന്ത്രിയെ വാഹനത്തിൽ നിന്നും ഇറക്കിയത്

വീട്ടിലേക്ക് വരുന്ന വഴിയിൽ പ്രതിഷേധക്കാർ മന്ത്രിക്കുനേരെ കരിങ്കൊടി വീശിയിരുന്നു. യൂത്ത് കോൺ​ഗ്രസ് പ്രവർത്തകരാണ് പിലാക്കാവിൽവച്ച് മന്ത്രിയുടെ വാഹനത്തിന് നേരം കരിങ്കൊടി വീശിയത്.

രാഷ്ട്രീയപ്രേരിതമാണ് ജനരോഷമെന്നും രാധ വനത്തിനുള്ളിൽ പ്രവേശിപ്പിച്ചപ്പോഴാണ് കടുവ ആക്രമിച്ചതെന്നുമുള്ള മന്ത്രിയുടെ പ്രസ്താവനയിൽ പ്രതിഷേധിച്ചാണ് ജനങ്ങൾ റോ‍ഡ് ഉപരോധിച്ചത്. പ്രസ്താവന പിൻവലിച്ച് കുടുംബത്തോടും പ്രദേശവാസികളോടും മന്ത്രി മാപ്പു പറയണമെന്നാണ് ജനങ്ങളുടെ ആവശ്യം. വനംവകുപ്പ് ഉദ്യോഗസ്ഥന് കടുവ ആക്രമണത്തിൽ പരിക്കേറ്റ സാഹചര്യത്തിലല്ലേ മന്ത്രിയെത്താൻ തയ്യാറായതെന്നാണ് ജനങ്ങളുടെ ചോദ്യം. എന്തുകൊണ്ട് ജനങ്ങൾ ദുരിതത്തിലായിട്ടും മൂന്ന് ദിവസമായിട്ടും എത്തിയില്ലെന്നും ജനങ്ങൾ ചോദ്യമുയർത്തി. മന്ത്രി ജനങ്ങളോട് സംസാരിക്കണം എന്നും നാട്ടുകാർ ആവശ്യപ്പെട്ടു.

കടുവയുടെ സാന്നിധ്യം കണക്കിലെടുത്ത് നിരോധനാജ്ഞ പ്രഖ്യാപിച്ചിരിക്കുന്ന മേഖലയിലാണ് ജനങ്ങൾ ഉപരോധം തീർത്തിരിക്കുന്നത്. വൻ പ്രതിഷേധത്തിനിടയിലാണ് മന്ത്രി രാധയുടെ വീട്ടിലെത്തിയത്. പോലീസിന്റെ കനത്ത സുരക്ഷാവലയത്തിലായിരുന്നു വീട്ടിലെത്തിയത്. കുടുംബാം​ഗങ്ങളുമായി മന്ത്രി സംസാരിച്ചു. നാട്ടുകാരുടെ പ്രതിനിധികളുമായി ചർച്ചയ്ക്ക് തയാറെന്നു മന്ത്രി അറിയിച്ചു.

കടുവയെ കൊല്ലാൻ പ്രഗത്ഭരായ 30 അംഗ ടീമിനെ തിരഞ്ഞെടുത്തിട്ടുണ്ട്.

Post a Comment

Previous Post Next Post